Éxodo 4:15 - Kashibo-Kakataibo Biblia

¹⁵ Usa ꞌain kamina abë banakin kamabi ꞌën mi kakë banakama ñuixunti ꞌain; usa ꞌain kana ꞌëx abë ꞌianan mibëribi unikama kaimi banakëbë mi rabëbë ꞌiti ꞌain, usa ꞌixun ka mi ñuikin an unikama kati ꞌikën, ꞌën kana usakian ñukama ꞌanun ꞌunánmiti ꞌain.

Éxodo 4:15 Iomraidhean Croise

Salmos 51:15

ꞌËn ꞌIbu min kamina ꞌën kuëbitan bananun ꞌë ꞌimiti ꞌain, usakin ꞌën kuëbí ꞌakëxun kana anun upiti kantakin mi rabiti ꞌain.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 4:12

Usa ꞌain, kamina kuanti ꞌain, ꞌën kana Egipto menuax banakëbë mibë ꞌixun, usakinmi kati bana mi ꞌunánmiti ꞌain.

Éxodo 4:28

Abë mëranantankëxun ka Moisésnën Aarón usakin kanuan Nukën ꞌIbun kakë banakama ñuixunkin kakëxa, kanan ka usakian unin iskëma chaiira ñu ꞌatia Diosan kakë akamaribi ñuixunkin kakëxa.

Éxodo 4:30

timë́xun ka Aarónën usakian Nukën ꞌIbun Moisés kakë banakama ñuixuankëxa, ñuixunkin ka usakin ꞌanúan Diosan kakësabiokin atun iskëma ñukama kamabi unían istánun ꞌakëxa.

Jeremías 1:9

Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Jeremías 36:32

Usakin kakëxun ka Jeremíasnën bëtsi kirika tarankë bixun an kirika kuënëoxunkë Baruc a ꞌinánkëxa, ꞌinánkëxun ka Jeremíasnën kamainun Barucnën a paian bëtsi kirika tarankënu kuënëokëbia ꞌapu Joaquímnën xarokë a bana kamabi kuënëokëxa. ꞌAnan ka Jeremíasnën a pain kuënëokë banakama a kuakësabi ꞌitánun amiribishi bëtsi banakamaribi kuënëomiakëxa.

Números 22:38

Kakëxun ka Balaamnën kakëxa: —Ënu kana ꞌain min kamikëx kana uan. ꞌAínbi kana ꞌën kushínbi mi katima ꞌain; usa ꞌixun kana uisa okin kara Diosan ꞌë kaia a banaishi mi kati ꞌain.

Números 23:12

Ësakian kakëxun ka Balaamnën kakëxa: —ꞌËn kana mi kan uisakin kara Nukën ꞌIbun ꞌë kaia kuatankëxun mi kaxun.

Números 23:16

Kabiania kuankëbë ami chikirakëtëkënkin ka Nukën ꞌIbun Balaam usakian Balac kati bana kakëxa. ꞌImainun ka ësokinribi kakëxa: —Anua ꞌikë anu kuantankëxun kamina Balac ꞌën mi kakësabiokin kai kuanti ꞌai kixun ka kakëxa.

Números 23:5

Ësokian kakëxun ka Nukën ꞌIbun usakian katánun kixun. Balaam kakëxa: —Amiribishi anua ꞌikë anu kuanxun kamima ꞌën mi kakë banakama a Balac kai kuanti ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

1 Corintios 11:23

Nucën ꞌIbu Jesusan ꞌë cacë bana ñuiquin cana ësaquin mitsu can, anúan uni itsin ꞌanun quixun unin a ꞌinánti, a ñantan ca Nucën ꞌIbu Jesusan pán biacëxa.

1 Corintios 15:1

ꞌËn xucë́antu, ꞌën mitsu ñuixuncë Jesucristo ñui quicë bana, anúan unicama ainan ꞌinun Nucën Papa Diosan ië́miti, a bana cana mitsu sinánmitëcëinsa tanin. A bana upí oquin cuati camina Jesucristomi catamëtancëx ax quicësabi oi ꞌin.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

1 Samuel 16:3

Usa ꞌain kamina ain xubunu bëbakin Jesé mia ñuina xaroia ꞌakinun kati ꞌain, ꞌën kana añu kaina ꞌati ꞌai kixun mi kati ꞌain. Usa ꞌain kamina ꞌën ui kaina ꞌapu ꞌinun anëti ꞌai ꞌën mi kamainun aín maxkánu xëni tutukati ꞌain.