Éxodo 4:12 - Kashibo-Kakataibo Biblia

¹² Usa ꞌain, kamina kuanti ꞌain, ꞌën kana Egipto menuax banakëbë mibë ꞌixun, usakinmi kati bana mi ꞌunánmiti ꞌain.

Éxodo 4:12 Iomraidhean Croise

Salmos 105:26

Usa ꞌain ka Diosan aín uni Moisés, ꞌimainun Aarón an ꞌakintia kaískë uni a xuakëxa,

Salmos 32:9

Mix kamina burro ꞌimainun caballosa ꞌitima ꞌain, an ka uisakin kara kaia abi kuatima, usa ꞌikë ka anun nikinkin nitsinakin buinati aín, kuëbínu mëxin tëkërëkaxun nikinkëx uisakin kara ꞌaia usaibi ꞌia, usa ꞌain ka bëtsiokin ꞌaxun ꞌuramamitisama ꞌikën.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 4:13

Ësokin katëkënkëxunbi ka Moisésnën munuma banakin kakëxa: —¡Uisati kaina ꞌën ꞌIbu ꞌixun bëtsi uni xutiman!

Éxodo 4:15

Usa ꞌain kamina abë banakin kamabi ꞌën mi kakë banakama ñuixunti ꞌain; usa ꞌain kana ꞌëx abë ꞌianan mibëribi unikama kaimi banakëbë mi rabëbë ꞌiti ꞌain, usa ꞌixun ka mi ñuikin an unikama kati ꞌikën, ꞌën kana usakian ñukama ꞌanun ꞌunánmiti ꞌain.

Éxodo 4:16

Min kamina abë banakin Aarón ꞌëxbi abë banakësa ꞌinun kati ꞌain, usa ꞌixun ka Aarónënbi kamabi bana minmi ñuixunkë kamabi unikama kati ꞌikën.

Isaías 49:2

An ka ꞌën kuëbí manë xëtokë kuënukë usaribi ꞌitánun ꞌimiakëxa, ꞌimikëx kana kuaisabi ꞌitánun banakën, ꞌimainun ka aín mëkënan unëkësa oxun bërúanan ꞌë ꞌakiankëxa, usakin ꞌakinkin ka axa ꞌakánanti ꞌunánkë unin ꞌakanankin bitëkënuxun aín pia nëaxun nankësa, usaribi okin Nukën ꞌIbun ꞌë bërúankëxa.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Jeremías 1:9

Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Marcos 13:11

A unicaman mitsu ꞌapunu buáncëxun camina racuë́quin —uisai carana quiti ꞌai —quixun sinántima ꞌain. Mitsúxmi banacëbëtanshia Nucën Papa Diosan mitsu sinánmicë banan camina cati ꞌain. Nucën Papa Diosan Bëru Ñunshin Upitan sinánmicëx camina quiti ꞌain.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

Efesios 6:19

Ñucáxuanan camina aín bana unicama racuë́quinma ñuixunuan uisoquin carana ñuixunti ꞌai quixun ꞌë sinánminun Nucën Papa Dios ꞌë ñucáxunti ꞌain, Cristo ñui quicë bana a bëráma unin upí oquin ꞌunánma ꞌicëbi bërí unin ꞌunánun.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.