Éxodo 4:11 - Kashibo-Kakataibo Biblia

¹¹ ꞌAínbi ka Nukën ꞌIbun Moisés kakëxa: —¿Uin kara uni anúan banati bana ꞌinánkëx? ¿Uinma ꞌën kana an banañuma ꞌianan pabë, bëxuñu ꞌimianan an unikama an upíokin isnun ismikë a ꞌain?

Éxodo 4:11 Iomraidhean Croise

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Salmos 51:15

ꞌËn ꞌIbu min kamina ꞌën kuëbitan bananun ꞌë ꞌimiti ꞌain, usakin ꞌën kuëbí ꞌakëxun kana anun upiti kantakin mi rabiti ꞌain.

Isaías 42:7

ꞌIanan kana ꞌën kuëënin bëxuñu unikama ain bëru bëpë́xkuti ñunshin ꞌatimanën ñu ꞌatima ꞌamikëx sipunu ꞌikësa ꞌikëbi chikíanan, ñatanxuan bë́anbëankibukënu xëpúkësa ꞌikë akama chikínti kana kuëënin.

Isaías 6:7

bëkin ka anun kuëtíkakin ꞌë kaxa: “Ka kuat, tsi ëxku ënxaira ënën kana mi kuëtikan. Usa ꞌain kamina bërí min ñu ꞌatima ꞌakë kupí ꞌuchokëma ꞌain, usa ꞌaish kamina min ñu ꞌatima ꞌai ꞌuchakëkama bërí mëníokë ꞌain.”

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Jeremías 1:9

Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Ezequiel 33:22

Axa abati ukë uni ax bëbatisama pan ꞌain ka a imë́ Diosan ꞌë banañuma ꞌinun ꞌimiakëxa; usa ꞌain ka uni axa pëkarakëma ꞌaínshi ukëbëtan, Diosan bananun ꞌimikëxun kana ꞌëx banañuma ꞌikë a ëankën.

Amós 3:6

¿manë banañu ëmanuxun banókë ax kara, anua unikama mëníokati ꞌakë ꞌik? Usa kat; ¿ñu ꞌaisama ëmanu inúkë ax ka Dios usai ꞌiti kuëënkëbëa ꞌikë ꞌiti ꞌik? Usa kat.

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Lucas 1:20

ꞌËn mi cacëxunbimi usai ca ꞌiti ꞌicë quixun sináncëma cupí camina banañuma ꞌinuxun ꞌain. Usa ꞌain camina a ñucama sënë́ncëbëishi banatëcënti ꞌain. Min sináncëbëmabi ca ꞌën mi cacë ñu asérabi ꞌiti ꞌicën, anun usai ꞌiti nëtëa sënë́ncëbë.

Lucas 1:64

Usaquian cuënëocëbëa sináncasmacancëbëshi ca Zacarías banatëcëancëxa. Banatëcënquin ca Nucën Papa Dios rabiacëxa.

Juan 10:21

Usa ꞌain ca raírinëxribishi —ësai ca ñunshin ꞌatimañu uni banaima. Ñunshin ꞌatimanënbi ca bëxuñu uni bëpëxcutima ꞌicë —quiax quiacëxa.