Éxodo 4:10 - Kashibo-Kakataibo Biblia

¹⁰ —¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Éxodo 4:10 Iomraidhean Croise

Éxodo 3:11

Ësokian kakëxunbi ka Moisésnën Dios kakëxa: —¿ꞌËx karana añu ꞌain? ¿Añu ꞌixun karana anu kuanxun faraón Egiptonu ꞌikë Israel unibu chikinuxun kai kuanti ꞌain?

Éxodo 4:1

Atun ka usaka kixun sinanima ꞌianan ka ꞌën kakëxun kuatima ꞌikën —kixun ka Moisésnën kakëxa—. Usai ꞌi ka kiti ꞌikë: mimi ka nukën ꞌIbu chikirakëkëma ꞌikë kiax kiti ꞌikën.

Éxodo 6:12

ꞌAínbi ka Moisésnën Nukën ꞌIbu katëkëankëxa: —Uisaxunbi ka israel unibunën ꞌën kakëxun ꞌën bana kuaisamatania; ¿uisaxun kara ꞌën kakëxun faraónën kuati ꞌikën, ꞌëx upitira banakë unima ꞌain ꞌën bana kuati ꞌik?

Éxodo 6:30

ꞌAínbi ka Moisésnën katëkëankëxa: —ꞌËn ꞌIbu, ꞌëx kana upitira banakëma uni ꞌain, usa ꞌikë kara, ¿Uisaxun kara faraónën ꞌën kakëxun ꞌën bana kuati ꞌik?

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Hechos 7:22

Cania ca Egiptonu ꞌicë unicaman atun ꞌunáncë ñucamaribi ꞌunánmiacëxa. Usa ꞌaish sinánñuira ꞌaish ca ax aín bana ꞌimainun aín ñu ꞌacëribi upí ꞌiacëxa.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 11:6

ꞌËx upíira upiti banati ꞌunáncë ꞌixunmabi ꞌën ñuicë bana ax ca asérabi ꞌicën, nun mitsu ñuixuncë banacama quicësabi oi ꞌia camina nu iscan.