Éxodo 33:9 - Kashibo-Kakataibo Biblia

⁹ Usai Moisés atsínkëbëishi ka achúshi kuin ubútankëx anua atsínkë xëkuënu nirakëakëxa, nirakëkëbë ka Nukën ꞌIbu Moisésbë banakëxa.

Éxodo 33:9 Iomraidhean Croise

Génesis 17:22

Usai abë banatankëxun Abraham ëbiani ka Nukën ꞌIbu Dios anuax kuankëxa.

Génesis 18:33

Ësai pain Abrahambë banatankëx ka Nukën ꞌIbu, anuax kuankëxa; ax kuankëbë ka Abraham axribi aín ꞌiti chupa këxtú ꞌakë anu utëkëankëxa.

Éxodo 31:18

Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Éxodo 33:10

Usaia anuax Diosbë mërananti xubu chukúma aín xëkuënu kuin nirakëtia isi ka kamabi uni aín xubu xëkuë anuaxbi rantinpuruni tsóbukin Dios rabikankëxa.

Éxodo 33:11

Diosbë banai ka Moisés ain ꞌunánkë unibëa uni isánani banakësa ꞌinun banakëxa, usai anuax banatankëx ka Moisés anua ꞌikankë anubi kuantëkëankëxa. ꞌAínbi ka uni bëna Josué kakë Nunnën bëchikë an ꞌakinkë xubusa okían ꞌakë a bërúankë ax uínsaranbi anuax kuaiama ꞌikën.

Éxodo 33:8

ꞌImainun ka Moisés anuax Diosbë mërananti xubu chukúma anu atsini kuankëbë ka kamabi unix aín xubusa okin ꞌakë aín xëkuënubi sëtëakëxa, sëtë́xun ka Moisés xubu chukúmasa anu atsinkiani nëtëti kuania iskankëxa.

Éxodo 34:3

Uinu ꞌikë uníxbi ka mix kuankëbë mibë kuantima ꞌikën, uibi kana bashi anua kuania istisamatanin, ꞌimainun kana oveja ꞌimainun, vacakama abi aín bashi bëtánain anuxun pasto pi nitsia istisama tanin.

Éxodo 34:5

Usa ꞌain ka Nukën ꞌIbu kuin mëu ubuax Moisésbë anu ꞌiakëxa, anu ꞌixun ka aín anë ñuikin Diosan kakëxa.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Ezequiel 3:22

Usa ꞌain ka Diosan, anu ꞌëx ꞌikë anuxun ꞌë kaxa: “Anu mi ꞌikë ënuax nirukiani kamina me sapan ꞌikë anuxun mi kanun kuanti ꞌain.”

Números 11:17

Anu ubútankëx kana ꞌëx mibë anuax banati ꞌain, ꞌimainun kana mi ꞌinánkë ꞌën kushi usaribi atu ꞌinánti ꞌain, ꞌinánkëxun ka atúnribi ënë unikama buánti isti mi ꞌakinti ꞌikën. Usa ꞌain kamina atun ꞌakinkëx mixi nuibakatima ꞌain.

Deuteronomio 31:14

Katankëxun ka Nukën ꞌIbun Moisés ësokinribi katëkëankëxa: Ka kuat, anun mi ñuti nëtë ka ꞌurama kuatsinia; usa ꞌain kamina Josué kuënbiani mi rabëtaxbi xubusa okin ꞌakë chukúma anuax ꞌëbë mërananti anu kuanti ꞌain, ꞌën usai ꞌiti banakama mi ñuixunun. Usakian kakëx ka Moisés ꞌimainun Josué xubusa okin ꞌakë anu kuankëxa,

Deuteronomio 31:15

kuankë ꞌain ka anuax Nukën ꞌIbu achúshi nëtë kuinsa anu mërati xubusa okin chupa ꞌakë aín xëkuënubi nirakëakëxa.