Éxodo 33:5 - Kashibo-Kakataibo Biblia

⁵ usakian kanun ka Nukën ꞌIbun Moisés kakë ꞌiakëxa: —Israel unikama kamina kati ꞌain: Mitsux kamina sinan iruarakë unibuira ꞌain. ¡ꞌËx mitsubë ꞌixun kana bënë́kinshi mitsu këñúkë ꞌitsian! Usa ꞌain kamina bëríbi mitsun tëñuti ꞌimainun mëñusuti akama uisa karana mitsu oi isnun pañutima ꞌain.

Éxodo 33:5 Iomraidhean Croise

Génesis 18:21

usa ꞌain kana bërí anu kuanti ꞌain, asérabi kana atun ꞌucha chaiira ꞌimainun ꞌatimañuira ꞌaia kixuan ñuia kuan. Usa ꞌain kana asérabi kara unin ñuia kuakë ax usa ꞌikë ꞌunánti ꞌain.

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Salmos 139:23

Mix Dios ꞌixun kamina, ꞌën nuitu ꞌunánkin ꞌë tanti ꞌain; ꞌianan kamina uisakara ꞌën sinánkama ꞌikë kixun ꞌunánti ꞌain;

Salmos 73:19

¡Atux ka bënë́kinshi këñúkë ꞌiti ꞌikën! ¡Usa ꞌain ka rakuë́kë ax atubëbi këñuti ꞌikën!

Éxodo 32:9

Ësakinribi ka Nukën ꞌIbun Moisés kakëxa: —ꞌËnbi kana uisa kara ënë unikama ꞌikë kixun ꞌunan, usa ꞌixun ka ꞌën bana kuakinma atun nuitu iruaratia.

Éxodo 33:6

Usakin kanuan kakëxun ka aín bashi Horeb, kakë anuxun Israel unikaman atúan pañukin aín naminu ꞌakë ñukama ëankëxa.

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.