Éxodo 33:3 - Kashibo-Kakataibo Biblia

³ A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.

Éxodo 33:3 Iomraidhean Croise

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 32:14

Ësakian Moisésnën kakëxun ka sinanakin Nukën ꞌIbun Israel unikama këñunun ꞌimiama ꞌikën.

Éxodo 33:5

usakian kanun ka Nukën ꞌIbun Moisés kakë ꞌiakëxa: —Israel unikama kamina kati ꞌain: Mitsux kamina sinan iruarakë unibuira ꞌain. ¡ꞌËx mitsubë ꞌixun kana bënë́kinshi mitsu këñúkë ꞌitsian! Usa ꞌain kamina bëríbi mitsun tëñuti ꞌimainun mëñusuti akama uisa karana mitsu oi isnun pañutima ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Jonás 3:10

Usakin atun ñu ꞌatima ꞌakë ënia a mi sinania iskin ka Diosan Nínivenu ꞌikë unikama, uisabi kana atu otima ꞌai kixun sinánkin an usakin ꞌakatsi kikë usakin uisabi oma ꞌikën.

Jonás 3:4

Usa ꞌain ka Jonás kuanx a ëmanu atsíntankëx munuma banakin Diosan kakë banakama anu ꞌikë unikama kai achúshi nëtë ꞌimi niakëxa. Nikin ka ësokin kakëxa, ënuax cuarenta nëtë ꞌikëbë ka Nínive kakë ëma ënëx Diosan ꞌatimokin masókë ꞌianan ꞌaisama okë ꞌiti ꞌikë kixun ka kakëxa.

Números 13:27

Ñuixunkin ka ësokin Moisés kakëxa: —A ñachatanunmi nu xukë me anu kananuna bëban. Bëbaxun kananuna kamabi isan a mex ka upíira ꞌikën, anuax ka vaca, oveja ꞌimainun carnero kamabi ñuina ax upiti kania, ꞌimainun ka ënë bimikamax a menuxun ꞌapákë ꞌikën.

Números 14:12

Usa ꞌain kana ënë unikama a menu atsini kuankëmashi anun maëtanun achúshi ꞌinsin xuti ꞌain; ꞌaínbi kana min rëbúnkikama achúshi ëma atu mapë́scakëbu ꞌianan kushiirabu ꞌaish atusamaira ꞌinun ꞌimiti ꞌain.

Números 14:8

Nukën ꞌIbun nu kuëënkin buánxun ka, a menu nu atsínun ꞌimikin nu ꞌinánti ꞌikën. A menuax ka a kuti ñu ꞌaisamaira ꞌinun bimimainun a ꞌarakati ñuinakamax upíbuira ꞌinun kaiti uakamë ꞌëoia.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Deuteronomio 4:24

mitsun ꞌIbu Dios ax ka achúshi Dios an aín unikaman ñu ꞌatima ꞌati kuëënxunkëma a ꞌikën, ¡an ka mitsun ñu ꞌatima ꞌaia iskin tsi rëkirukënëan ñu nënkin këñukësa usaribi okin ꞌati ꞌikën!

Josué 5:6

Usai kuani ka anu uni ꞌikëma menu, cuarenta baritia ꞌimi nitsi axa Egipto menuax chikíkiani kuankë unikama maëakëxa. A unikaman ka Nukën ꞌIbun kakësabiokin ñu ꞌaisama tankëxa, usa ꞌikë ka an sinanatëkëntima okin atu ësokin kakëxa, mitsux kamina a me ꞌinánnuxun ꞌën min chaitiokëkama ka anua ꞌaisamaira a piti ñu ꞌimainun a xëati ñu ꞌitsaira ꞌikë a menu kuantima ꞌain.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.