Éxodo 33:12 - Kashibo-Kakataibo Biblia

¹² Ësakin ka Moisésnën Nukën ꞌIbu kakëxa: —Ka kuat, min kamina ënë unikama bërúanun ꞌë kan, ꞌaínbi kamina uin kara ꞌë ꞌakinti ꞌikë kixun ꞌë kakëma ꞌain. ꞌImainun kamina ꞌëx isana upí sinánñu ꞌaish ꞌitsaira min nuibaisa ꞌai kixun ꞌë kan kanan kamina ꞌëx isana min kuëënkësabi okin ꞌai kixun ꞌë kan.

Éxodo 33:12 Iomraidhean Croise

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

2 Samuel 15:25

Usa ꞌain ka kamabi uni ëmanuax chikíkëbëtan ꞌapu Sadoc kakëxa: —Amiribishi kamina bunántisa okin ꞌakë anua Diosan mëníokë ñu ꞌarukë a buántëkënti ꞌain, Diosan ꞌëx anu kuantëkënti kuëënkëbë Jerusalénnu kuankin kana anua nantinua nankë isti ꞌain.

Salmos 1:6

Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Éxodo 3:4

Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Éxodo 33:2

ꞌËn ángel kana an mitsu kuania rëkuëonxun buánti xuti ꞌain. ꞌImainun kana ꞌën a menua ꞌikë ëmakama cananeos, amorreokama, hititas, ferezeos, heveos ꞌimainun jebuseos akaman menumi mitsux bukunun chikínti ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 45:3

ꞌËn kana mi ꞌinánti ꞌain ñu kupíkë unin unëkin nankë akama ꞌianan, unëkian unin ꞌunántisama okin anu nantinu nankë aribi mi ꞌinánti ꞌain. Usakin ꞌinánkëxun kamina min ꞌunánti ꞌain ꞌax ka Nukën ꞌIbu ꞌianan, Israel unikama Dios a ꞌikë kixun, usa ꞌain kana min anën mi kuëan.

Jeremías 1:5

ꞌËn kana min titan puku ꞌukëmëu ꞌikëbi mi kaisakën; ꞌianan kana min titan mi bakënkë ꞌikëmashi mi kaisakën; ꞌanan kana kamabi menu ꞌikë unikama an Dios kikë bana ñuixunkëmi ꞌinun mi kaisankën.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.