Éxodo 33:10 - Kashibo-Kakataibo Biblia

¹⁰ Usaia anuax Diosbë mërananti xubu chukúma aín xëkuënu kuin nirakëtia isi ka kamabi uni aín xubu xëkuë anuaxbi rantinpuruni tsóbukin Dios rabikankëxa.

Éxodo 33:10 Iomraidhean Croise

1 Reyes 8:14

Ësai kitankëx ka ꞌapu Salomón aua kamabi Israel unikama sëtë́kë, atumi bësuakëti nirakëkin upíokin atu sinánxuni

1 Reyes 8:22

Usokin atu katankëx ka Salomón anuxun Dios ñuina xaroxunti ꞌakë a bëmánon, kamabi Israelkaman ismainunbi nirakëti ka manámi aín mëkën rabë́ buarui mëshpakin,

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 33:11

Diosbë banai ka Moisés ain ꞌunánkë unibëa uni isánani banakësa ꞌinun banakëxa, usai anuax banatankëx ka Moisés anua ꞌikankë anubi kuantëkëankëxa. ꞌAínbi ka uni bëna Josué kakë Nunnën bëchikë an ꞌakinkë xubusa okían ꞌakë a bërúankë ax uínsaranbi anuax kuaiama ꞌikën.

Éxodo 33:9

Usai Moisés atsínkëbëishi ka achúshi kuin ubútankëx anua atsínkë xëkuënu nirakëakëxa, nirakëkëbë ka Nukën ꞌIbu Moisésbë banakëxa.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.