Éxodo 32:22 - Kashibo-Kakataibo Biblia

²² Kakëxun ka Aarónën kakëxa: —ꞌËmi kamina xuamati nishtima ꞌain. Minbi kamina ꞌunan ënë unikamax ka ꞌatima ñuishi ꞌati kuëënia.

Éxodo 32:22 Iomraidhean Croise

Génesis 44:18

Usa ꞌain ka Judánën José ꞌurama okin kakëxa: —ꞌËn kana mi ësokin kaisatanin, usa ꞌain kana ꞌën uínbi kuanuma mi kain. Kamina ꞌën kakëx ꞌëmi nishtima ꞌain, mix kamina ꞌapu faraón asaribi ꞌikë kana mi kain.

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 15:24

Usa ꞌain ka Israel unibunëx ñukákanani Moisésmi ꞌatimati banai tsuákirui kanankëxa: ¿Añu ꞌumpax karanuna xëati ꞌain?

Éxodo 16:20

Ësakian kakëxunbi ka Israel unikama raírinën Moisésnën kakë bana tankima aín piti pëkarakëbëtan pikatsi kixun sinánkin tëxëokëxa; usokëxbi ka xënai chë́ki pisiakëxa. Usakian ꞌan ka Moisés ꞌitsaira atumi nishakëxa.

Éxodo 16:28

Atux usai ꞌia iskin ka Nukën ꞌIbun Moisés kakëxa: —¿Uínsaran kaina mitsux ꞌën bana kuaisama tanan ꞌën ꞌunánmikësabi oi ꞌiti ꞌain?

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Éxodo 32:21

Usakin ꞌamitankëxun ka Moisésnën Aarón ami nishkin usakian ꞌakë a ñuikin kakëxa: —¿Añu kara ënë unikaman mibëtan, minmi ꞌaisamaira okin ꞌuchaminun ꞌax?

Deuteronomio 31:27

ꞌËnbi kana upíokin ꞌunan mitsux kamina bana kuati ꞌunánmaira ꞌain; usa ꞌaish kamina ꞌëx mitsubë aínbi Nukën ꞌIbumi ꞌuchakën, ¿Usa ꞌaish karamina ꞌëx ñukëbë uisaira ꞌikanti ꞌain?

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.

1 Samuel 15:15

—ꞌËn kana a ñuinakama bëkëma ꞌain Amalec menua ka suntárukaman bëaxa —kixun ka Saúlnën kakëxa—, atun ka min ꞌIbu Dios rabikin xaroti bëkanxa. ꞌAínbi kananuna raíri ñuinakama achúshirabi nitsinkinma kamabi këñuan.

1 Samuel 15:21

ꞌAínbi ka suntárukamainshi atun ꞌarakakë ñuina aín upíirabu a kamabi këñutia Dios kikë akama bëaxa, a ka Dios Guilgal kakë ëma anuxun xaroxunti bëaxa.

1 Samuel 15:24

Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.