Éxodo 32:12 - Kashibo-Kakataibo Biblia

¹² ¿Uisoti karamina egipcio unibunëxa mi ñui Diosan ka anu uni ꞌikëma menuxun këñuminuxun Israel unikama ënua chikínbiankin uanxa kinun këñumiti ꞌain? Usa aín kamina nishkinbi; Israel unikama këñútimi sinánkë a ënti ꞌain.

Éxodo 32:12 Iomraidhean Croise

Génesis 6:6

usa ꞌain ka uni uniotankëxbi usai ꞌia isi sinanakëxa. ꞌItsaira anun masá sinani,

1 Reyes 8:51

A unikamax ka min kaisa unibu ꞌaish min unibi ꞌikën; minbi kamina Egipto menuaxa tsi ënxaira anu ñu xuiti ꞌakë anuax ꞌikësaira ꞌinua ñu mëi tëmëraiabi atu chikiankën.

Salmos 90:13

¡Nun ꞌIbu, nukamanu kamina utëkënti ꞌain! ¿Uínsaran ira kaina nu ꞌakintëkënti ꞌain? ¡Minmi kaisa min unikama ënë kamina nuibakin ꞌakinti ꞌain!

Éxodo 32:14

Ësakian Moisésnën kakëxun ka sinanakin Nukën ꞌIbun Israel unikama këñunun ꞌimiama ꞌikën.

Éxodo 33:13

Min nu ꞌakinsa tankin kamina añu ꞌati kaina kuëëni ꞌë asérabi kati ꞌain, usakinmi kakëxun kana ꞌënribi mi nuibati ꞌain. ꞌImainun kamina ënë unikamax ka min unibu ꞌikë kixun sinánti ꞌain.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Joel 2:17

Sacerdotekama an Diosan ñu mëëti ꞌakë mitsuxribi kamina utankëx Dios ñukáti inti ꞌain. Usai ini ka anuxun Dios rabiti xubu a bëtanaia ꞌikë anuxun ñuina xaroti ꞌakë anu sëtëtax ësai kikanti ꞌikën: “Nukën ꞌIbu Dios min unikama kamina atun ꞌakë ñu ꞌatimakama mëníoxunti ꞌain; ꞌanan kamina ñuumara ka atux ꞌikë kiax numi uinu ꞌikë uníxbi kuainun ꞌimitima ꞌain, nux kananuna min kaískë unikama ꞌai usa ꞌain; ꞌianan kamina bëtsi ëmanu ꞌikë unikaman atun kuëënkësokin ꞌamainun an bëtsi ñu rabikë unikaman numi kuaikin: ¿Uinu kara mitsun Dios ꞌik? kixun nu kanun ꞌimitima ꞌain.

Amós 7:3

Ësokin kakëxun kuati ka Dios nu nuibati numi sinani kiaxa: —¡Asabi ka usa ꞌain kana ënë champukama mitsu ꞌaisama onun xutima ꞌain!

Amós 7:6

Ësokin kakëx ka Nukën ꞌIbu nu nuibati ësai kiaxa: —¡Asabi ka usa ꞌain kana usaira okin mitsu ꞌatima ꞌain!

Jonás 3:9

usakin nun ꞌakëbë sapi ka Diosan nukamami ꞌatimakin sinania nishkë a tupubuti ꞌikën, usai ꞌikin sapi ka nu bamamitima ꞌikën.

Números 14:19

Minmi min unikama nuibakë ax ka upíira ꞌikën, usa ꞌain kamina ënë unikama ꞌuchaiabi nuibakin upíokin sinanamiti ꞌain, bëráma kamina Egipto menuxunbi munu ënë menu bëakën.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

Deuteronomio 9:28

ënë unikamami usakin ꞌakëbë ka aín menuami chikínbëtsinkin bëkë Egiptonu ꞌikë unikama kiti ꞌikën: Nukën ꞌIbun ka Israel unikama a ꞌinánkatsia kia me a ꞌinánkima ami nishkin, ënu upitax tsótiabi anu uni ꞌikëma menuxun këñuminuxun chikínbiankin buánxa kiax kiti ꞌikën.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.