Éxodo 32:1 - Kashibo-Kakataibo Biblia

¹ Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Éxodo 32:1 Iomraidhean Croise

Génesis 19:14

Usakian kakëx ka Lotnën aín bëchikë binuxun kakë aín piaka ꞌiti uni rabë́ barikuankëxa, kuanxun mërakin ka aín piaka ꞌiti uni a kakëxa: —¡Bënëti nirukiani ka kuantan Nukën ꞌIbun ka ënë ëma këñuti ꞌikën! ꞌAínbi ka aín piaka ꞌiti unikaman këmëkin isa Lotnën kaia kixun sinani kuanma ꞌikën.

Génesis 21:26

Usokian kakëxun kuatankëxun ka Abimélecnënribi kakëxa: —Min kamina ꞌë bërámabi kakëma ꞌain, usa ꞌain kana ꞌën bërí ꞌunanin bëríbi kamina ꞌë kain.

Génesis 39:8

Kakëxunbi ka kuëënkima Josénën ësokin kakëxa: —Ka kuat, min bënën ka kamabi aín ñukama ꞌëmi ëanxa, usa ꞌain ka ꞌëx ënu ꞌain, aín ñukamami sinántima ꞌikën.

Génesis 44:15

usai ꞌia ka akamabi Josénën kakëxa: —¿Añu kaina mikaman ꞌan? ¿Mitsun kaina ꞌunan achúshi uni ꞌësaribinën kara ñu tanti ꞌik?

Génesis 44:4

Usai kuania ëma ëbiani urakiankë ꞌaímabi ka Josénën an ñu ꞌaxunkë uni kakëxa axa kuankë unikama akamina nuikuanti ꞌain nuixun nukúkin kamina kati ꞌain: —¿Uisa oti kaina upíokin ꞌakinkëxunbi ꞌatimakin ꞌan? ¿Uisati kaina mitsun manë uxua ꞌakë xampa amia

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 16:3

Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Éxodo 20:23

Uisaxunbi kamina rabinuxun kuri ꞌanan manë uxua ꞌatankëxun ꞌë ꞌakësa okin uniotankëxun a rabitima ꞌain.

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Éxodo 24:18

Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Éxodo 32:22

Kakëxun ka Aarónën kakëxa: —ꞌËmi kamina xuamati nishtima ꞌain. Minbi kamina ꞌunan ënë unikamax ka ꞌatima ñuishi ꞌati kuëënia.

Éxodo 32:23

Usa ꞌixun ka atunbi ꞌë kaxa: Kamina achúshi dios an nu rëkuë́nxun buánti ꞌaxúnti ꞌain, kananuna ꞌunanima an nu Egipto menua chikinbëtsinki bëkë Moisés kara uisai ꞌiaxa kixun.

Éxodo 32:7

Atúxa usai ꞌikëbëtan ka Nukën ꞌIbun Moisés kakëxa: —Ënuax kuabutankëxun kamina Egipto menuami bëkë unikaman ka ꞌatima ñu ꞌai ꞌuchakin ꞌën kakë bana a kuaisama tanxa isi kuanti ꞌain.

Éxodo 33:3

A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Mateo 24:43

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

Mateo 24:48

Usa ꞌaínbi ca an a unix ꞌatima sinánñu ꞌixun —an ꞌë ñu mëëmicë uni ca panatia —quixun sinánquin

Hechos 17:29

Nux aín rëbúnqui ꞌixun cananuna sinántima ꞌain, ax ca unían ꞌacë curi ꞌacë ñuusa ꞌianan uxua manë ꞌacë ñuusa ꞌianan maxax ꞌacë ñuusa ꞌicë quixun.

Hechos 19:26

Usa ꞌaínbi camina mitsun Pablo isanan an ñuicë banaribi cuatin. An ca Efeso ëmanushima, Asia menu ꞌicë ëmacama oquin, unían a rabinuxun ꞌacë ñu ax ca asérabi diosma ꞌicë quixun caquin, a rabixunma ꞌanun caquin ꞌaisamaira uni sinánmiaxa.

Hechos 7:40

Sinánquin ca Moisésnën xucën, Aarón, a cacancëxa: “An nu Egipto menua bëcë Moisés cara uisaxa cananuna ꞌunaniman. Usa ꞌain camina dios raíri min nu unioxunti ꞌain, an nu rëcuë́nxunbianun”.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 9:1

Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Deuteronomio 9:9

Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.

2 Pedro 3:4

Cuai ca quiti ꞌicën: —Jesús ca utëcënti ꞌicë quiáxa uni quiá ꞌaínbi ca ucëma ꞌicën. Nucën raracama bamacëbëa ꞌiásabi oi ca camabi uni bamaia, ꞌimainun ca nëtë ióñua ꞌiásabi camabi ñu ꞌia.