Éxodo 3:9 - Kashibo-Kakataibo Biblia

⁹ Ka kuat, ꞌënbi kana egipcio unibunëan ꞌaisamaira okin tëmëramikin Israel unikama ꞌatima oia isan.

Éxodo 3:9 Iomraidhean Croise

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 31:12

Ësokin kakëxun ka ángelnën ꞌë kaxa: Kamina ꞌupiokin isti ꞌain, aín bënëkaman ka aín xanu kuënëñu ꞌimainun pukukësa ꞌimainun tsákatsaka aribi ꞌaia kamina isti ꞌain, ꞌën kana ꞌunánin min kuku Labánën kara uisa mi oxa kixun.

Nehemías 9:9

Min kamina uisai kara nun chaitiokëkama Egipto menuax tëmëraia kixun isakën, usa ꞌixun kamina parúmpapa xónsa kakë a kuëbínuxuan atun mi ñukákëxun kuakën.

Éxodo 1:11

Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 1:22

Usaia ꞌikëbëtan a kuëënkinma faraónën, aín unikama kakëxa: Kamina Israel bëbu tuá bakënia bakami niti ꞌain, nianan kamina xanu tuakamaishi kania ꞌuakamë ꞌëotanun ënti ꞌain.

Éxodo 1:8

Usai ꞌitsa baritia anu Israel unikama tsókë ꞌaínbi ka Egipto menu bëtsi ꞌapu faraón kakin anëkë an José isama anu ꞌiakëa, usa ꞌixun ka a ëmanu ꞌikë aín aintsikama kakëxa:

Éxodo 2:23

Usa ꞌain ka ꞌitsa baritia ꞌinúkëbë Egiptonu ꞌikë ꞌapu ñuakëxa. Ñuanka, Israel unibunëx ꞌaisamaira ñu mëëmikëx uisa kupín kara ësokinra nu ñu mëëmia kiax kikankëxa. Ësaia kikania ka Diosan kuakëxa.

Éxodo 2:25

Usaia ꞌaisamaira tëmërai kia kuakin ka Diosan uisaira kara atux tsótia kixun ꞌunánkin ꞌakinti sinánkëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Deuteronomio 26:7

Usa ꞌain kananuna nun chaitiokë kaman Dios a ñukákën, ñukákëxun ka nun bana kuakin egipcio unikaman ꞌaisamaira okin ñu mëëmikëx tëmërai ñutisari ꞌia an nu isakëxa;

1 Samuel 9:16

“Imë́ishi ënë horanbi kana achúshi, Benjamínën rëbúnki aín menu tsókë xuti ꞌain, akamina ꞌain maxkánu xëni chikukin mamëti ꞌain, ax ka Israel unikaman ꞌapu ꞌiti ꞌikën. An ka filisteo unikaman ꞌatimoiabi ꞌën uni Israelkama ꞌakinti ꞌikën, ꞌënbi kana ꞌitsaira tëmërai kikania kuakin atu ꞌakinti sinan.”