Éxodo 3:8 - Kashibo-Kakataibo Biblia

⁸ Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 3:8 Iomraidhean Croise

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

Génesis 15:14

ꞌAínbi kana ꞌënribi a ëmanu ꞌikë unikama an atu bëtsi bëtsi okin tëmëramikë aribi ꞌatima okin tëraminuxun ꞌain, usakin ꞌakë ꞌain ka min rëbúnki kamax ꞌaisamaira ñuñu ꞌaish chikinuxun ꞌaia.

Génesis 18:21

usa ꞌain kana bërí anu kuanti ꞌain, asérabi kana atun ꞌucha chaiira ꞌimainun ꞌatimañuira ꞌaia kixuan ñuia kuan. Usa ꞌain kana asérabi kara unin ñuia kuakë ax usa ꞌikë ꞌunánti ꞌain.

Génesis 43:11

Usa ꞌain ka aín papan ësokin kakëxa: —Anun nun ënëñu mëníoti bëtsi ñu ka ꞌaíma ꞌikën, usa ꞌain kamina ësokin ꞌati ꞌain: mitsun pisha kamanu kamina a uni ꞌinaishiti kuanxun achúshi ñu buánti ꞌain. Ënë menuxun uniokë ñu upíira: bálsamo kakë sanuira chukúma ꞌimainun buna rëpa chukúmashi ꞌimainun ro tsëpasa ꞌimainun i baka ꞌakë ro akëñun ro ua upíira nun menua ꞌikë aribi buánti ꞌain.

Génesis 46:4

Usa ꞌain kana ꞌëx mibëbi Egipto menu kuanti ꞌain, anuxun kana amiribishi min rëbúnkikama ꞌënbi chikinuxun ꞌain. ꞌImainun ka mixmi ñukëbë José mi rapasu ꞌiti ꞌikën.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Nehemías 9:8

Min iskëx ka ax achúshi uni mimira sinani katamëkë ꞌiakëxa, usa ꞌixun kamina abëtan achúshi ñu ꞌakinmi min rëbúnkikama kana anua cananeos unibu ꞌimainun hititas, amorreos, ferezeos, jebuseos ꞌimainun gergeseos; ¡a unikaman me ꞌinánuxun ꞌai kixunmi kásabiokin ꞌakën, min kamina asérabi mix kikësabiokin ñu ꞌain!

Salmos 34:8

Usa ꞌain kamina Nukën ꞌIbu asérabi kara mitsu ꞌakinia kixun isnuxun tanti ꞌain. ¡Uix kara ami katamëtia a unix ka chuámarua tani ami katamëti kuëënia!

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 34:11

ꞌËn kakësokinmi bërí mitsun ꞌakëbëtan kana mitsun ismainunbi anumi tsóti kuankanti me anu ꞌikë unikama kuantanun chikínti ꞌain, ax ka amorreos, cananeos, hititas, ferezeos, heveos ꞌimainun jebuseos unikama a ꞌikën.

Éxodo 5:23

ꞌËn kana anu uxun mi ñuikin ꞌë mi kakë banakama faraón ñuixuan, usa ꞌaínbi ka an bëríbi min unikama ꞌatima oti ënkëma ꞌikën, usa ꞌaínbi kamina min atu ꞌiëminuxun uisa ñubi ꞌaxunkëma ꞌain.

Isaías 64:1

Nukën Ibu Dios nux kananuna kuëënti ꞌain, mixmi naíkamë ꞌëo panárabëkë anun ukëbë aín bashikama shaíkitanun uti kuëënin,

Jeremías 2:7

ꞌËn kana mitsu me upíira anu ꞌapákëxa, ñu ꞌitsaira tuaiami piti me anu mitsu bëakën. ꞌAínbi kamina mitsun anu utankëxun ꞌën ꞌinánkë me masókën, usakin ꞌakin kamina ꞌëx a me isi kuínsanun ꞌë ꞌimikin, ꞌën ꞌinánkë me ꞌatima okën.

Amós 2:10

ꞌAínbi kana Egipto menua chikínbëtsinkin, cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.

Números 13:27

Ñuixunkin ka ësokin Moisés kakëxa: —A ñachatanunmi nu xukë me anu kananuna bëban. Bëbaxun kananuna kamabi isan a mex ka upíira ꞌikën, anuax ka vaca, oveja ꞌimainun carnero kamabi ñuina ax upiti kania, ꞌimainun ka ënë bimikamax a menuxun ꞌapákë ꞌikën.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Deuteronomio 1:7

Usa ꞌain kamina mitsun ñu mëniobiani anua amorreo unikama ꞌimainun a ꞌurama ꞌikë unikaman me anuribi kuanti ꞌain: Ax ka Arabá kakë me ꞌimainun bashiñu me ꞌimainun, me sapankama ꞌianan Négueb kakë me ꞌimainun parúmpapa chá aín kuëbí anua cananeokama ꞌikë a këñunbi Líbano, anuxunbi chaiira baka Éufrates kakë akamabi bitsiküanti ꞌain.

Deuteronomio 6:3

Usa aín kamina, ꞌën aintsi Israelkama mitsun, a bana tankin ax kikësabiokin ꞌati ꞌain. Usakin ꞌakëbë a mitsun ꞌati ñukama upí kuankëbë kamina achúshi ëma ꞌai ënë menu ꞌuakamë ꞌëoti ꞌain, anua a xëati ñu buna rëpasa ꞌaisamaira ꞌianan a piti ñuribi ꞌaisamaira ꞌikë kixuan Diosan mitsun chaitiokëkama ká anu kuanti ꞌain.

Deuteronomio 7:1

Nukën ꞌIbu Dios an ka a ꞌinánkatsia kia me anu mitsux bëbai kuankëbëtan, mapai achúshi ꞌimainun rabë́ ëmakama mitsubëtan sënë́nma kushiirabu a mitsun ismainunbi chikínti ꞌikën: Ax ka hititas, gergeseos, amorreos, cananeos, ferezeos, heveos ꞌimainun jebuseos, akama ꞌikën.

Josué 5:6

Usai kuani ka anu uni ꞌikëma menu, cuarenta baritia ꞌimi nitsi axa Egipto menuax chikíkiani kuankë unikama maëakëxa. A unikaman ka Nukën ꞌIbun kakësabiokin ñu ꞌaisama tankëxa, usa ꞌikë ka an sinanatëkëntima okin atu ësokin kakëxa, mitsux kamina a me ꞌinánnuxun ꞌën min chaitiokëkama ka anua ꞌaisamaira a piti ñu ꞌimainun a xëati ñu ꞌitsaira ꞌikë a menu kuantima ꞌain.