Éxodo 3:4 - Kashibo-Kakataibo Biblia

⁴ Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Éxodo 3:4 Iomraidhean Croise

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Génesis 22:11

nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.

Génesis 28:16

Usakian kakëx aín ꞌuxkënuaxbi bësukin ka Jacobnën sinánkëxa: “Asérabi ka ënë menu Nukën ꞌIbu ꞌëbë ꞌikën kixun kana ꞌën ꞌunánkëma ꞌain.”

Génesis 46:2

A imë́bi ka Diosan abë banakin Jacob ꞌikëbia Israel kakin anëkë a kuënkin namámikësokin kakëxa. Kakëxun ka an: —Ënu kana ꞌain kixun ka kakëxa.

Éxodo 19:3

Anuax ka achúshi nëtën Moisés aín bashi anu uni ꞌikëma Sinaí kakë anu Diosbë bananux mapë́rakëakëxa, mapërakëtia ka aín bashi chairui sënë́nkë anuxun Nukën ꞌIbun kuëankëxa: —Kuënkin ka Moisés ësokian Jacobnën rëbúnki Israel unikama kanun kakëxa.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Éxodo 33:12

Ësakin ka Moisésnën Nukën ꞌIbu kakëxa: —Ka kuat, min kamina ënë unikama bërúanun ꞌë kan, ꞌaínbi kamina uin kara ꞌë ꞌakinti ꞌikë kixun ꞌë kakëma ꞌain. ꞌImainun kamina ꞌëx isana upí sinánñu ꞌaish ꞌitsaira min nuibaisa ꞌai kixun ꞌë kan kanan kamina ꞌëx isana min kuëënkësabi okin ꞌai kixun ꞌë kan.

Éxodo 4:5

—Ënëx ka a iskian asérabi ka Nukën ꞌIbu mimi chikirakëaxa kixun ꞌunánti ꞌikën, mitsun chaitiokë Abraham, Isaac ꞌimainun Jacob aín Dios ax ka mimi mëraxa kixun ka atun sinánti ꞌikën

Hechos 10:13

A ñucama ubutia isquinshi ca Pedronën ësai quia cuacëxa: —Pedro, niruxun ca rëxun pit.

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 9:4

Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

Deuteronomio 33:16

usa ꞌain ka ain menu ꞌapákëxun a piti ñun ꞌaisamaira ꞌitánun upíokin tuati ꞌikën, ꞌimainun ka axa tsi rëkirukësari i pëñanakëkënu mërakin aín unikama ꞌakinun ꞌë ká anbi ka aín xukë́nkama kaiskima José aín xukë́antun ꞌapu ꞌiti kaisakëxa.

1 Samuel 3:10

Ësakian kakëx kuanx anu ꞌuxkënu kuankë ka Nukën ꞌIbun bëráma kuënkësabi okin aín anën kuëntëkëankëxa: —¡Samuel! ¡Samuel! Kakin kuënkëxun ka min unin ka kuatia kamina kiti ꞌai kixun Samuelnën kakëxa.

1 Samuel 3:4

Usa ꞌain ka Nukën ꞌIbun Samuel Samuel kakin kuëankëxa: —¡Kuënkëxun ka Samuelnën kakëxa! ¡Ënu kana ꞌai kixun kakëxa!

1 Samuel 3:6

ꞌUxkëbi ka Nukën ꞌIbun amiribishi kuëntëkëankëxa: —¡Samuel Samuel! Kakin kuëntëkënkëx ka anua ꞌuxkë anuax nirukiani kuanxun Elí kakëxa: —Ënu kana uan. ¿Uisoti kaina ꞌë kuëan? kixun kakëxa: —Kákëxun ka ꞌën kana mi kuënkëma ꞌain ꞌën bakë bëchikë kixun —Elínën kakëxa. Mix anu ꞌuxkë anubi kamina kuanti ꞌain kixun katëankëxa.

1 Samuel 3:8

ꞌAínbi ka Nukën ꞌIbun Samuel rabë́ ꞌimainun achúshi okin kuëntëkëankëxa, usakian kuënkëx nirukiani kuanxun ka Elí kakëxa: —Ënu kana ꞌain; ¿Uisoti kaina ꞌë kuëan? Usakin ꞌaia ka Elínën Nukën ꞌIbun ka bëná uni Samuel ënë kuëënia kixun sinánkin,