Éxodo 3:18 - Kashibo-Kakataibo Biblia

¹⁸ Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Éxodo 3:18 Iomraidhean Croise

Génesis 12:1

Usa ꞌain ka Nukën ꞌIbun achúshi nëtë ꞌikëbëtan Abram kakëxa: min menuax ka kuantan, min aintsikama ëbiani kamina ënë menuax kuanti ꞌain, bëtsi menu kamina kuanti ꞌain, ꞌën mi ismimainun.

Génesis 14:13

Usakian ꞌakëbë ka uni achúshi abákëxa, abaxun ka usaía ꞌikë Abram hebreo uni a ñuixuankëxa, ax ka uni achúshi Mamré aín menu tsókë ꞌiakëxa, a unix ka amorreo unibu ꞌiakëxa, Mamré ax ka Escol ꞌimainun Aner aín xukë́n ꞌiakëxa, usa ꞌaish ka a unikamax Abrambë nuibanankë ꞌiakëxa.

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 17:5

Kakëxun ka Nukën ꞌIbun Moisés kakëxa: —Israel unikaman kushi ꞌitsamashi kabiani kamina abë mix pain rëkuë́nkiani kuati ꞌain. Kuani kamina min tsati anúnmi ꞌumpax bëráma rishkikë a buani kuanti ꞌain.

Éxodo 19:1

Anúan Egipto menuax kuankë rabë́ ꞌimainun achúshi ꞌuxë inúkëbë ka israel unibu Sinaí kakë aín bashi ꞌurama bëbakëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 3:16

Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Éxodo 4:1

Atun ka usaka kixun sinanima ꞌianan ka ꞌën kakëxun kuatima ꞌikën —kixun ka Moisésnën kakëxa—. Usai ꞌi ka kiti ꞌikë: mimi ka nukën ꞌIbu chikirakëkëma ꞌikë kiax kiti ꞌikën.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 4:24

Usakian Diosan kakëx ka Moisés aín xanu ꞌimainun aín bëchikë kamabë anun Egipto menu kuankë bain kuankëxa, kuanbaiti ka anua ꞌuxti anu bërúakëxa, bërúkë ka ami mërakin a ñantan anua ꞌikë anuxun Nukën ꞌIbun Moisés ꞌakatsi ꞌiakëxa ain bëchikë Guersón kakë abá an kakësabiokin aín nëtokë ñu maxaka tëakin ꞌunánti okëma kupín.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 5:3

Usakian kakëxun ka a rabëtan kakëxa: —Usama ka ax ka hebreo unikaman Dios ꞌikën, usa ꞌaish ka numi chikirakëaxa; usa ꞌain kananuna anu uni ꞌikëma menu kuanti ꞌain, ax ka rabë́ ꞌimainun achúshi nëtë ꞌikiani kuanti ꞌikën, anuxun kananuna nun ꞌIbu Dios ñuina rëtankëxun xaroxunti ꞌain, usakin ꞌaxunkëxuma ka nukama ꞌinsínan këñumianan bëtsi unikaman nubë ꞌakanankin këñunun nu ꞌamiti ꞌikën.

Éxodo 7:16

Anuxun kamina faraón mërakin ësakin kati ꞌain: hebreo unibunën ꞌIbu ꞌianan aín Dios an ka ësakin min kanun ꞌë kaxa: ꞌËn unikama kamina anu uni ꞌikëma menu kuantankëxuan ꞌë rabitanun xuti ꞌain. ꞌAínbi kamina bëríbi min an kikësokin ꞌaisama tanin.

Éxodo 8:1

Nukën ꞌIbun ka Moisés kakëxa: —Anu kuanxun kamina ꞌapu faraón kai kuanti ꞌain: Ësai ka Nukën ꞌIbu kiaxa: ꞌËn unikama kamina ꞌë rabia kuantanun xuti ꞌain.

Éxodo 8:20

Ësokin ka Nukën ꞌIbun Moisés kakëxa: —Imë́ishi ka pëkarakëma ꞌaínshi faraón bakanu kuania, usa ꞌain kamina mixribi pëkarakëma ꞌaínshi nirukiani kuanxun kai kuanti: Ësai ka Nukën ꞌIbu kiaxa: ꞌËn unibu kamina ꞌë rabia kuantanun xuti aín.

Éxodo 8:23

Ësokin kana imë́ishibi ꞌati ꞌain. Usakin ꞌën unikama ꞌakimabi kana min unikama usakin ꞌati ꞌain.

Éxodo 9:1

Usa ꞌain kamina faraón isi kuanti ꞌain kixun ka Nukën ꞌIbun Moisés kakëxa: —Kuanxun kamina faraón abë banakin ësokin kai kuanti ꞌain: Ësai ka hebreo banan banakë unikama aín Dios kiaxa: ꞌËn unibu kamina ꞌë rabi kuantanun xuti ꞌain.

Éxodo 9:13

Usa ꞌain ka Nukën ꞌIbun Moisés kakëxa: —Imë́ishi pëkarakëma ꞌaínshi nirukiani kuanxun kamina faraón ësokin kati ꞌain: Ësai ka hebreo unikaman Dios kiaxa: ꞌËn unikama kamina, ꞌë rabi kuantanun xuti ꞌain;

Isaías 64:5

Min kamina uin kara upíokin ñu ꞌaia a asábi ka kuëënkin kain, kakëxun ka min kuëënkësabi okin ꞌati sinania. Mix kamina nukamax ꞌuchakë anun nishan; usa ꞌain ka ꞌitsa baritia anun mi masá nuitumikin ñuikë ꞌikën.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Jeremías 26:5

an bana ñuikë ꞌën unikama ꞌitsokin xutia xutiabi, kamina an kakë banakama kuaisamatankankë ꞌaínbi kamina atun bana kikësokin ꞌakankëma ꞌain,

Josué 1:17

Usa ꞌain kananuna min kakëxun min bana tankin ꞌanan, Moisésnën kakëxun ꞌásabiokin ꞌati ꞌain. Usa ꞌain kananuna nukaman kuëënin Diosan ka Moisés ꞌakiansaribi okin miribi ꞌakinti ꞌikën.