Éxodo 3:16 - Kashibo-Kakataibo Biblia

¹⁶ Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Éxodo 3:16 Iomraidhean Croise

Génesis 1:7

Usa ꞌain ka Diosan achúshi xabá chaiira an bakakama bëarati ꞌakëxa: ꞌakëx ka xabá chaiira meu panaitsi tikimainun panaitsi axribi manámi bërúakëxa.

Génesis 21:1

Usa ꞌain ka ax kikësabi oia ꞌinun Sara Nukën ꞌIbun bërúankëxa, usokëx ka ax kikësabi oi ꞌiakëxa,

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 48:15

Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Salmos 33:18

ꞌAínbi ka Nukën ꞌIbun axa ami katamëkëkama ꞌimainun asérabi a nuibakë unikama an ka nu nuibati ꞌikë kixun ꞌunania,

Salmos 8:4

ësokin sinanin: ¿Añu kara unix ꞌik? ¿Añu karanuna nux unishi ꞌaish ꞌiti ꞌain? ¿Uisa kupín kaina ami sinani mix ꞌitsaira bënëtin?

Éxodo 1:8

Usai ꞌitsa baritia anu Israel unikama tsókë ꞌaínbi ka Egipto menu bëtsi ꞌapu faraón kakin anëkë an José isama anu ꞌiakëa, usa ꞌixun ka a ëmanu ꞌikë aín aintsikama kakëxa:

Éxodo 13:19

Kuankin ka Moisésnën José ñua aín xo buanuxuan binun bimiakëxa, ñukëma pain ꞌixuan aín xukë́nkama Josénën kásabiokin ka Israelkaman usakin ꞌakëxa. Usakin katankëxun ka ësokinribi kakëxa: Asérabi ka Diosan usakiani kuania mitsu ꞌakinti ꞌikën; ꞌakinkëx kuankin kamina ꞌëx ñua ꞌaínbi ꞌën xo ënë menua bibiankin buánti ꞌain.

Éxodo 15:14

Usai nux kuania kuati ka bëtsi bëtsi menu ꞌikë unikama rakuëtan bamai bërëti ꞌikën, usai ꞌikëbë ka filisteo unikamaxribi aín sinan bëtsi sinani rakuë́ti ꞌikën,

Éxodo 17:5

Kakëxun ka Nukën ꞌIbun Moisés kakëxa: —Israel unikaman kushi ꞌitsamashi kabiani kamina abë mix pain rëkuë́nkiani kuati ꞌain. Kuani kamina min tsati anúnmi ꞌumpax bëráma rishkikë a buani kuanti ꞌain.

Éxodo 2:25

Usaia ꞌaisamaira tëmërai kia kuakin ka Diosan uisaira kara atux tsótia kixun ꞌunánkin ꞌakinti sinánkëxa.

Éxodo 24:11

Usa ꞌia iskëxunbi ka Diosan Israel uni aín kushikama a uisabi oma ꞌikën, uisabi okëxma ka anuxun pianan xëatankëx atux ubútëankëxa.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 4:1

Atun ka usaka kixun sinanima ꞌianan ka ꞌën kakëxun kuatima ꞌikën —kixun ka Moisésnën kakëxa—. Usai ꞌi ka kiti ꞌikë: mimi ka nukën ꞌIbu chikirakëkëma ꞌikë kiax kiti ꞌikën.

Éxodo 4:29

Usakin ñuixunbiani ka a rabëtaxbi anuax kuantankëx Israelkama aín kushibu kamabë timë́akëxa,

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Éxodo 4:5

—Ënëx ka a iskian asérabi ka Nukën ꞌIbu mimi chikirakëaxa kixun ꞌunánti ꞌikën, mitsun chaitiokë Abraham, Isaac ꞌimainun Jacob aín Dios ax ka mimi mëraxa kixun ka atun sinánti ꞌikën

Mateo 26:3

Usa ꞌain ca judíos sacerdotenën cushicama ꞌimainun caniacëcë unicama, anua atun cushiira Caifás ax ꞌicë, a xubunu timë́acëxa.

Lucas 1:68

—Nucën ꞌIbu Dios, a Israel ꞌimainun aín rëbúnquicaman rabicë, a ca camabi unin rabiti ꞌicën. An ca aín unicama ꞌicë nu nuibaquin, an nuxnu ami sinánun nu sinánmiti a xuaxa.

Hechos 11:30

Sinánxun achúshi achúshinën ꞌitsaira curíquiñu an ꞌitsa nanmainun ꞌitsamashi curíquiñu anribi ꞌitsamashi nantancëxun a curíquicama Saulocëñun Bernabé ꞌinánquin cacáncëxa: —Ënë curíquicama camina Judeanuxuan an Jesucristomi catamëcë unicama bana ñuixuncë unicama a ꞌinánti ꞌai —quixun.

Hechos 15:14

Simón Pedronën ca nu ñuixuanxa, Nucën Papa Diosan cara uisaira oquin judíos unicamaishima, judíosma unicamaribi nuibaquin ainan ꞌinun ꞌimiaxa quixun.

Hechos 20:17

Usaquin sinánxun ca Miletonuxunbi Efesonua ꞌicë axa Jesucristomi catamëcë unin cushicamaxa anu unun quixun Pablonën camiacëxa.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 5:1

Axa Jesucristomi catamëcë unin cushicamasaribi cana ꞌëx ꞌain. Usa ꞌixun cana atúan ꞌacësaribi oquin Cristo camabi unin ꞌucha cupía tëmëra, a ñuiquin bana ñuixunin. ꞌAnan cana atúxa ꞌicësaribiti Cristo utëcëncëbë aín nëtënu abë ꞌiti sinanin. Usa ꞌixun cana axa Jesucristomi catamëcë unin cushicama mitsu ësaquin cain:

Rut 1:6

Achúshi nëtën ka Noemínën Moab menu ꞌixun Nukën ꞌIbun kaísa aín menua numi chaiira ꞌikëbi nëtë́miaxa kixun ñuikania kuakëxa.