Éxodo 3:12 - Kashibo-Kakataibo Biblia

¹² Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 3:12 Iomraidhean Croise

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 15:8

—Kakëxunbi, ka Abramnën ësokin kakëxa, ꞌën ꞌIbu ꞌimainun ꞌën Dios ¿Uisakin karana asérabi ka ꞌënan ënë me ꞌikë kixun ꞌën ꞌunánti ꞌain? —kixun ka Abramnën kakëxa.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 31:3

Usai ami ꞌikania iskin ka Nukën ꞌIbun Jacob kakëxa: Kamina kuantëkënti ꞌain min papan menubi, anua min aintsikama ꞌikë me anu, usai ꞌimi kuania kana ꞌën mi bërúanti ꞌain.

2 Reyes 19:29

Ësokia kakëxun ka Isaíasnën Ezequías kakëxa: Ënëx ka axa kikësoibia ꞌiti a ꞌikën: Ënë bari ꞌimainun bëtsi bari ꞌirukë anun kamina axi kotankëxua tuákë bimi a mitsun piti ꞌain, ꞌaínbi kamina baritsi ꞌirutëkënkë anun, ꞌapátankëxun tuaia pain mitsun uvas këñun bëtsi ñukamaribi piti ꞌain.

Éxodo 3:1

Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Éxodo 3:13

ꞌAínbi ka Moisésnën kakëxa: —Asabi ka ꞌaínbi ka anu kuantankëxun ꞌën Israel unibu: Mitsun chaitiokë kaman Diosan ka mitsunu ꞌë xuaxa kixun, kakëxunbi ka atun ꞌë ñukáti ꞌikën: ¿Uisa kara aín anë ꞌik? Ësakin ñukákëxun, ¿karana ꞌën uisakin kati ꞌain?

Éxodo 33:14

Ësokian kakëxun ka Nukën ꞌIbun kakëxa: —ꞌËnbi kana mitsu kuania buani usa ꞌain kamina ꞌaisamaira okin sinani bënëtima ꞌain.

Éxodo 4:12

Usa ꞌain, kamina kuanti ꞌain, ꞌën kana Egipto menuax banakëbë mibë ꞌixun, usakinmi kati bana mi ꞌunánmiti ꞌain.

Éxodo 4:15

Usa ꞌain kamina abë banakin kamabi ꞌën mi kakë banakama ñuixunti ꞌain; usa ꞌain kana ꞌëx abë ꞌianan mibëribi unikama kaimi banakëbë mi rabëbë ꞌiti ꞌain, usa ꞌixun ka mi ñuikin an unikama kati ꞌikën, ꞌën kana usakian ñukama ꞌanun ꞌunánmiti ꞌain.

Éxodo 8:27

Usa aín kananuna anu uni ꞌikëma menu rabë́ ꞌimainun achúshi nëtë ꞌikiani kuanti aín, usai anu kuantankëxun kananuna ñuina ꞌatankëxun xarokin nun ꞌIbu Dios, an nu usakin ꞌanun kakësabiokin ꞌai kuanti ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Jeremías 1:8

Usa ꞌain kamina uinu ꞌikë unimibi rakuë́tima ꞌain. ꞌËx kana mi ꞌakinux mibëbi ꞌiti ꞌain. ꞌËn kana Dios ꞌixun mi kakësa okinbi asérabi ꞌakinti ꞌain.

Números 23:21

Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Marcos 16:20

Usai ꞌian camabi menu cuanquin ca aín ꞌunánmicë unicaman —Nucën ꞌIbu Jesucristomi catamëti aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun bana ñuixuancëxa. Usaquin bana ñuixunia ca Nucën ꞌIbu Jesucristonënbi ꞌaquinquin, atúan ñuixuncë banax ca asérabi ꞌicë quixuan unin ꞌunánun, uni itsin ꞌacëma ñu ꞌamiacëxa. Ashi.

Hechos 11:21

Nucën ꞌIbu Diosan cushiocëxuan a unicaman aín bana ñuixuncëxun cuati ca ꞌitsa uni atúan bëráma ñu ꞌaisama ꞌacëcama ënquin sinanati, Nucën ꞌIbu Jesúsmi catamëacëxa.

Hechos 7:7

Ësaquinribi ca Nucën Papa Diosan Abraham cacëxa: “Cuatrocientos baritia ꞌicëbëtan cana an min rëbúnquicama bëtsi bëtsi oquin ñu mëëmicë cupí, anu ꞌicë unicama tëmëraminuxun ꞌain. Usocëxun ca a menuax cuanun min rëbúnqui xuti ꞌicën. Xucëx ënë menu uxun ca ꞌë rabiti ꞌicën”.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Deuteronomio 31:23

Usakian ꞌakë ka Josué Nunnën bëchikë a Nukën ꞌIbun ësokin kakëxa: Josué mix kamina kushi sinanñu ꞌianan rakuë́ ꞌitima ꞌain, mix kamina ꞌën mi ꞌakinmainun an Israel unikama a ꞌinánuxun ꞌën ka me anu buani abë kuanti a ꞌain. Usa ꞌaish kana ꞌëx mibëbi ꞌiti ꞌain.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Jueces 6:12

ꞌAkëbë ami mërakin ka Nukën ꞌIbun ángelnën kakëxa: ¡Nukën ꞌIbu ka mibë ꞌikën, usa ꞌain kamina uni rakuëma ꞌianan kushi sinánñu ꞌiti ꞌain!

Jueces 6:16

Kiabi ka Nukën ꞌIbun ángelnën katëkëankëxa: —Kamina ꞌati ꞌain ꞌën kana minmi ꞌaia mi ꞌakinti ꞌain. Min kamina madianita unikama ꞌakin achúshi unira ꞌakësokinshi ꞌati ꞌain.

Jueces 6:17

Ësokian kakëxun ka Gedeónën amiribishi kakëxa: —Asabi ka mix kuëënkin kamina asérabi kara Diosan mi xuaxa isnun kamina achúshi ñu ꞌë ꞌaxúnti ꞌain, usakin ꞌaxunkëxun kana asérabi kamina ꞌëbë bana kixun ꞌunánti ꞌain.

Jueces 6:21

ángelnën aín tsati rëbun nami ꞌimainun pánkama a tikakëbëshi maparanuax rëkirukin tsin nami ꞌimainun pán këñukin xarokëxa; xarokëbëa aín bërunuaxbi Nukën ꞌIbun ángel nëtë́tia ka Gedeónën istëkëama ꞌikën.

Jueces 7:11

anuxun kamina uisai kara mimi nishkë unikama kia kuati kuanti ꞌain.” Kuakin kamina abi kana ꞌati ꞌai kixun kushiokin sinánti ꞌain. Ësokian Diosan kakëx ka Gedeón an kaniokë Purá abë anua abë ꞌakánanti unikama ꞌikë me sënënakëkë anu kuankëxa.

1 Samuel 14:10

ꞌAínbia atun kuanun nu kakëxpain kananuna atunu kuanti ꞌain, usakin kakëx anu kuanxun nun atu ꞌakëx sapika nua Nukën ꞌIbun atu usakin ꞌanun ꞌamikëxun ꞌakë ꞌiti ꞌikën.