Éxodo 3:10 - Kashibo-Kakataibo Biblia

¹⁰ Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Éxodo 3:10 Iomraidhean Croise

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

Génesis 15:14

ꞌAínbi kana ꞌënribi a ëmanu ꞌikë unikama an atu bëtsi bëtsi okin tëmëramikë aribi ꞌatima okin tëraminuxun ꞌain, usakin ꞌakë ꞌain ka min rëbúnki kamax ꞌaisamaira ñuñu ꞌaish chikinuxun ꞌaia.

Salmos 105:26

Usa ꞌain ka Diosan aín uni Moisés, ꞌimainun Aarón an ꞌakintia kaískë uni a xuakëxa,

Éxodo 12:40

Usa ꞌain ka Israel unibu cuatrocientos treinta baritia Egipto menu pain tsóti në́a ꞌiakëxa,

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 33:12

Ësakin ka Moisésnën Nukën ꞌIbu kakëxa: —Ka kuat, min kamina ënë unikama bërúanun ꞌë kan, ꞌaínbi kamina uin kara ꞌë ꞌakinti ꞌikë kixun ꞌë kakëma ꞌain. ꞌImainun kamina ꞌëx isana upí sinánñu ꞌaish ꞌitsaira min nuibaisa ꞌai kixun ꞌë kan kanan kamina ꞌëx isana min kuëënkësabi okin ꞌai kixun ꞌë kan.

Éxodo 33:13

Min nu ꞌakinsa tankin kamina añu ꞌati kaina kuëëni ꞌë asérabi kati ꞌain, usakinmi kakëxun kana ꞌënribi mi nuibati ꞌain. ꞌImainun kamina ënë unikamax ka min unibu ꞌikë kixun sinánti ꞌain.

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Hechos 7:34

Egipto menuaxa ꞌën unicama tëmëraia isanan cana atúxa unin bëtsi bëtsi ocëx nuibacati banaiaribi cuan. Cuaxun acama tëmëraiabi ië́mi cana uan. Ië́minuxun cana mi pain Egiptonu xutin”.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Hechos 7:6

Catancëxun ca ësaquinribi cacëxa: “Min rëbúnquicamax ca aín menuma, bëtsi unin menu tsónuxun ꞌaia. Anua tsócëbi ca anu ꞌicë unin cuatrocientos baritian min rëbúnquicama bëtsi bëtsi oquin ñu mëëminuxun ꞌaia”.

Hechos 7:7

Ësaquinribi ca Nucën Papa Diosan Abraham cacëxa: “Cuatrocientos baritia ꞌicëbëtan cana an min rëbúnquicama bëtsi bëtsi oquin ñu mëëmicë cupí, anu ꞌicë unicama tëmëraminuxun ꞌain. Usocëxun ca a menuax cuanun min rëbúnqui xuti ꞌicën. Xucëx ënë menu uxun ca ꞌë rabiti ꞌicën”.

Jueces 6:14

Ësokian kakëxun ka Nukën ꞌIbun ángelnën bëískin kakëxa: —Mix kamina ꞌaisamaira kushiñu ꞌain, usa ꞌain kamina madianita unikaman Israelkama ꞌaisamaira okë a isti ꞌain. ꞌËn kana mi kuantanun xuti ꞌain.

1 Samuel 12:6

Kakëxun ka Samuelnën kamabi Israel kama kakëxa: —Nukën ꞌIbu an ka kamabi ñu ꞌanun Moisés këñun ain xukë́n Aarón a rabë́ ꞌamiakëxa, usakin ꞌamikin ka nun chaitiokëkama Egipto menua chikínbëtsinkin bëakëxa.

1 Samuel 12:8

Jacob ꞌimainun aín aintsikamaxa Egipto menu tsóti kuankë ka a menuxun egipcio unikaman nun chaitiokëma ꞌaisamaira okin ñu mëëmikëx Diosan ꞌakinun kiax kikankëxa, usai ꞌikëbëtan ka Nukën ꞌIbun Moisés ꞌimainun Aarón an atu Egipto menua chikínun kixun ꞌamiakëxa, usakin ꞌakëx ka utankëx anunu bërí nux tsókë ënë menu atux pain tsókankëxa.