Éxodo 3:1 - Kashibo-Kakataibo Biblia

¹ Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Éxodo 3:1 Iomraidhean Croise

1 Reyes 19:19

Usa ꞌain ka Elías anu uni ꞌikëma me anuax kuantankëx anua Safatnën bakë bëchikë Eliseo an aín vaca bënëkama mapai rabë́ ꞌimainun rabë́ a manë paránën me tukamikë anu bëbakëxa, anuxun iskëxunbi ka aín unikaman ꞌamainun Eliseonënribi atu kaxú tsiánkiankin rabë́ vaca bënë me tukamiakëxa. Usakian ꞌakëbë a ꞌurama okinshi ka Elíasnën aín tarin Eliseo mapuakëxa.

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

Éxodo 17:6

ꞌËn kana Horeb kakë bashi anuxun mi kaini kuanti ꞌain, usa ꞌain kamina anu bëbakin min tsatin mapara taxkai kuanti ꞌain. Taxkakëbëshi ka anuax ꞌumpax chikiti shakibutia ka unikaman xëati ꞌikën. Usakian kakëx kuanxun ka Moisésnën abëa kuankë Israel ain kushikaman ismainunbi aín tsatin mapara taxkakëxa,

Éxodo 19:11

usakin ꞌai mëníokakë ꞌain kana ꞌëx rabë́ ꞌimainun achúshi nëtë ꞌikëbë kana ꞌëx aín bashi Sinaí kakë anu ubuti ꞌain, kamabi Israel unibunëan ꞌë istánun.

Éxodo 19:2

Anua ꞌikë Refidim, anuax kuanx ka anu uni ꞌikëma me Sinaí kakë bashi anubi bëbatankëx anu ꞌiakëxa.

Éxodo 19:3

Anuax ka achúshi nëtën Moisés aín bashi anu uni ꞌikëma Sinaí kakë anu Diosbë bananux mapë́rakëakëxa, mapërakëtia ka aín bashi chairui sënë́nkë anuxun Nukën ꞌIbun kuëankëxa: —Kuënkin ka Moisés ësokian Jacobnën rëbúnki Israel unikama kanun kakëxa.

Éxodo 2:16

Anu ka Reuel kakë Madiánu ꞌikë sacerdote ꞌiakëxa, ax ka mapai achúshi ꞌimainun rabë́ bëchikë xanu chipashñu ꞌiakëxa. A nëtën ka xanu chipashkama atux anua ꞌumpax biti kininua ꞌumpax bixun anua ñuinakaman ꞌumpax xëakëkama a uakaxun aín papan ovejakama ꞌumpax xëami kuankëxa,

Éxodo 2:18

Usakian atun ñuinakama ꞌumpax xëamikëbë ka usai ꞌikëxmabi bënëtishi anua aín papa ꞌikë anu kuankëxa, kuania ka aín papan atu ñukákëxa: —¿Uisa kupín kaina usai ꞌikëxmabi bënëtishi rikuatsinin?

Éxodo 2:21

Kakëx kuanxua aín bëchikënën bëkë ka, aín papa Jetrónën aín xubunu ꞌinun kixun Moisés kakëxa, kakëxun ka asábi ka kana min xubunu ꞌi bërúti ꞌai kixun Moisésnën kakëxa. Usai abë basipain ꞌiaka aín bëchikë Séfora aín xanu ꞌiti ꞌinánkëxa,

Éxodo 24:13

Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 3:5

Usakian kakëxun ka Diosanribi kakëxa: —ꞌUramaira ukin kamina ꞌë chichabëtsintima ꞌain, ꞌianan kamina min taxaka a ëchiti ꞌain anu ꞌëx ꞌikë me ënëx ka upíira ꞌikën.

Éxodo 33:6

Usakin kanuan kakëxun ka aín bashi Horeb, kakë anuxun Israel unikaman atúan pañukin aín naminu ꞌakë ñukama ëankëxa.

Éxodo 4:18

Usa ꞌain ka Moisés aín kuku Jetró ꞌikëbi Reuel kakinribi anëkë aín xubunu kuantëkëankëxa, kuanxun ka aín kuku kakëxa: —ꞌË karamina Egipto menu kuantëkëntanun xutima ꞌain. ꞌËn aintsi ꞌibukama kara anu tsótaxa kana isi kuainsatanin. —Usakian kakëxun ka aín kuku Jetrónën asábi ka usa ꞌain kamina bërúanx kuantankëxun isi kuanti ꞌai —kixun kakëxa.

Éxodo 4:27

Usakian ꞌamainun ka Nukën ꞌIbun Aarón ësokin kakë ꞌiakëxa: Anu uni ꞌikëma menu kuantankëxun kamina Moisés aia mëranankini kuanti ꞌain kixun kakë ꞌiakëxa. Usakian kakëx ka Aarón Diosan bashi kakë anua Moisésbë mëranani kuankëxa. Kuanxun ka anua mërakin bëtsukukakin biakëxa.

Amós 1:1

Ënë banax ka Amós kakë uni an ñuina bërúankë Tecoanu ꞌikë uni a Diosan usokin ka Israel kama ꞌati ꞌikë kixun, rabë́ baritia anúan me shaíkiti ꞌisama pain ꞌain ká bana ꞌikën, usa ꞌain ka a barikaman Ozías ax Judá menu ꞌapu ꞌimainun Jeroboam Joásnën bëchikë axribi Israel menu ꞌapu ꞌiakëxa.

Malaquías 4:4

ꞌËn uni Moisés aín bashi Horeb kakë anuxun usai ꞌiti ꞌën bana ꞌinan a kamina sinánkanti ꞌain. ¡Ax ka kamabi Israel unikaman ax kikësabiokin ꞌati ꞌiakëxa!

Números 10:33

Usa ꞌain ka Nukën ꞌIbun bashi Sinaí kakë anuax kuani rabë́ ꞌimainun achúshi nëtë ꞌikiani kuankëxa. Kuankian levita uni raírinën Nukën ꞌIbu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti ꞌikë kixun baribiamainun ka ꞌaisamaira uni atu kaxú kuankëxa.

Lucas 2:8

Usa ꞌain ca Belén ꞌurama ꞌicë pastonu an ñuina bërúancë unicama ꞌiacëxa. ꞌIxun ca imë́ ꞌuxti tëaquin aín ñuina bërúancëxa.

Hechos 7:30

Usaquin catancëxun ca ësaquinribi Estebanën ꞌapucama cacëxa: —Cuarenta baritia Madián menu ꞌitancëx ca Sinaí cacë aín bashi ꞌurama, anu uni ꞌicëma me, anu Moisés ꞌiacëxa. Anu ꞌixun ca imaxu anuax tsi rëquirucë mëúcüa ángel achúshi isacëxa.

Deuteronomio 1:2

Aín bashi Sinaí anuax kuantankëx Cadés-barnea kakë anu bëbai kuani kuanti ka mapai rabë́ ꞌimainun achúshi nëtë niti ꞌiakëxa, ax ka anun Seír kakë me ꞌikëbia Edom kakinribi anëkë me anu kuanti bai a ꞌiakëxa.

Deuteronomio 1:6

Nukën ꞌIbu Diosan ka aín bashi Sinaí kakë anuxun ësokin nu kakëxa: Mitsux kamina ꞌitsa baritia ꞌimi aín bashi tanain ënu ꞌian.

Deuteronomio 4:10

A nëtë kamami mitsux aín bashi Sinaí kakë anu ꞌain ka Nukën ꞌIbu Diosan ësokin ꞌë kakëxa: Kamabi unikama kamina ꞌën bana kuakin ꞌunánkian uisakinra kara kamabi nëtën ënë menu tsókin ꞌain bakë bëchikamanribi atun ꞌakësaribi okin ꞌanun ꞌunánmiti ꞌikën.

Jueces 4:11

Quedes kakë ꞌurama anua in papa chaiira nikë Saanaim kakë me anu ka Héber kakë quenita uni ax tsóakëxa, ax ka aín aintsi quenita kamabë ënanan ꞌaish axi tsókë uni ꞌiakëxa, ax ka Moisésnën kukun bakë bëchikënën rëbúkinkama ꞌiakëxa.

1 Samuel 16:11

Usakin pain ꞌuran ñukátakëxun ka amiribishi kakëxa: —¿Min bëchikë itsi kara ꞌaíma ꞌik? —Kixuan ñukákëxun ka anu ka an ñuina ꞌarakakë bërúankë aín ꞌanáka achúshi ꞌikë —kixun Jesénën kakëxa. Kakëxun ka Samuelnën barixua bëtánun kamina —achúshi uni xuti ꞌain —kixun kakëxa—, ax ukëmapan ꞌain kananuna mesanu nami ꞌën xuikë pinux tsóbutima ꞌain kixun ka kakëxa.