Éxodo 24:4 - Kashibo-Kakataibo Biblia

⁴ Usa ꞌain ka Moisésnën Nukën ꞌIbun kakësabiokin kamabi bana kuënëokëxa, kuënëoxun ka pëkarakëma ꞌaínshi nirutankëxun, anuxun a rabiti achúshi ñu aín bashi tanain ꞌamiakëxa, ꞌatankëxun ka a rapasu mapai rabë́ ꞌimainun rabë́ maxax nankëxa, a ka Jacobnën bakë bëchikëkama ꞌia ami sinánkin nankëxa.

Éxodo 24:4 Iomraidhean Croise

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 28:18

Usai ꞌiónx pëkarakëma ꞌaínshi nirukin ka Jacobnën, anu tëkëpimëti noonkë maxáx bikin ꞌunánti okin nitsíankëxa, usakin ꞌatankëxun ka ënëx ka Nukën ꞌIbu Diosnan ꞌiti ꞌikë kixun sinánkin xëni bitankëxun ami anpënkakëxa.

Génesis 28:22

ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Génesis 31:45

Usai kanantankëx sënë́nkin ka Jacobnën achúshi maxax bitankëxun, ꞌunántiokin nankëxa,

1 Reyes 11:30

mëranankin ka Ahíasnën anúan rakúkiankë aín chupa ió a bikin mapai rabë́ ꞌimainun rabë́ ꞌitanun tukapakëxa,

1 Reyes 18:31

Mëníotankëxun ka doce maxax Jacobnën bakë bëchikë bëbukamabëtan sënën biakëxa, a ka Diosan Jacob ain bëchikëkama ka Israel kakin anëti ꞌikë kia ꞌain ꞌakëxa,

Esdras 6:17

ꞌAkin ka a nëtën Dios xaroxunkin cien vaca bërí kanikë, ꞌianan doscientos carnero ꞌimainun cuatrocientos carnero bërí kanikë ꞌianan doce chibu, a kamaribi Israel unikama ñakátibi a, achúshi achúshi, ꞌaxuanan kamabi Israel unikaman ꞌucha kupín ꞌakëxa.

Éxodo 17:14

Usakian ꞌakë ka Nukën ꞌIbun Moisés kakëxa: —Ënuax mitsux ꞌakanankë ënë kamina achúshi kirikanu a sinántiokin kuënëoti ꞌain; ꞌimainun kamina Josuéribi kati ꞌain, ꞌën kana amiribishia uínbi sinántëkëntimokin amalecita unikama manumiti ꞌain.

Éxodo 17:15

Anu ka Moisésnën achúshi ñu anuxun Nukën ꞌIbu rabikin ñuina xaroti ꞌakëxa, ꞌatankëxun Diosan aín kushin nu ꞌakinkëxun kananuna ax numi nishkë unikama këñukin ꞌa kixun kakin anëakëxa,

Éxodo 24:7

ꞌAtankëxun ka Moisésnën anua usaía atux ꞌiti bana kuënëokë kirika bitankëxun kamabi unían kuamainun isakëxa isia kuati ka kikankëxa: —Asabi ka añu ꞌaxúnun kara Nukën ꞌIbu kia a kananuna ꞌati ꞌain.

Éxodo 34:27

Usa ꞌain ka Nukën ꞌIbun Moisés ësakin kakëxa: Ënë banakama kamina kuënëoti ꞌain, ax ka achúshi ñu këñutima okin mi ꞌimainun israel unikamabëtan ꞌakë ñui kikë bana a ꞌikën.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Deuteronomio 31:9

Usa ꞌain ka Moisésnën ax kikësabi ꞌiti bana a kuënëotankëxun sacerdote levita unikama an bunántisa okin ꞌakë kurin ratakakakë anua achúshi ñu ꞌati kikë bana kuënëokë Nukën ꞌIbun kirika anu ꞌarukë an ꞌiaxun buánkëkama a ꞌimainun Israel unikaman kushibu atubëtanbia bërúanun kixun ꞌinánkëxa,

Josué 4:20

Anu ka Josuénën mapai rabë́ ꞌimainun rabë́ maxax Jordán bakanua bitsínkin bëkë a bukurunun ꞌamiakëxa.

Josué 4:5

ësokin kakëxa: Jordán baka ëskikë nëbë́tsi anua Diosan bunántisa okin ꞌakë kurin ratakakakë ꞌikë anua kamina mitsun achúshi achúshi ñakánu ꞌikë unin maxáx ꞌiarukin mapai rabë́ ꞌimainun rabë́ sënën ꞌitanun biti ꞌain.

Apocalipsis 21:14

Cënëquin nitsíncë maxáxcama ax ca mëcën rabë́ ꞌimainun rabë́ ꞌiaxa. A maxax cha anuribi ca anë cuënëocë ꞌiaxa. Anu cuënëocë anëcamax ca Carnero ꞌicësaribitia unin ꞌucha cupí bama, an aín bana uni ñuixunun caíscë unicama, mëcën rabë́ ꞌimainun rabë́, aín anëcama ꞌiaxa.