Éxodo 24:3 - Kashibo-Kakataibo Biblia

³ Ësakin Diosan kakëx kuanxun ka Moisésnën kamabi Israel unikama Nukën ꞌIbu kakë banakama ñuixuankëxa: —Ñuixunkëx ka asábi ka usa ꞌain kananuna kamaxunbi Nukën ꞌIbun kikësabiokin ꞌati ꞌain, kiax kikankëxa.

Éxodo 24:3 Iomraidhean Croise

Éxodo 19:8

Ñuixunkëxun kuati ka Israel unikama kamáxbi sharati kikankëxa: —Uisai ꞌinun kara Nukën ꞌIbu kiaxa usaibi kananuna ꞌiti ꞌain. Ësaia unikama kikëbëtan ka Moisésnën usaía unikama kikë a ñuikin Nukën ꞌIbu kai kuankëxa,

Éxodo 24:2

Mix xëshi kamina anu ꞌëx ꞌikë ënu uti ꞌain; umainun ka raíri axa mibë ukë unikamax ꞌë ꞌuramaira utima ꞌikën, ꞌianan ka raíri unikama mibë mapërakëtima ꞌikën.

Éxodo 24:7

ꞌAtankëxun ka Moisésnën anua usaía atux ꞌiti bana kuënëokë kirika bitankëxun kamabi unían kuamainun isakëxa isia kuati ka kikankëxa: —Asabi ka añu ꞌaxúnun kara Nukën ꞌIbu kia a kananuna ꞌati ꞌain.

Malaquías 2:10

¿Kamabi nukamax karanuna achúshi papañushima ꞌain, ax kara Dios an nu kamabi unio ꞌama ꞌik? ¿Uisa kupín karanuna nukamax bëtsi bëtsibë paránankin, nun chaitiokë kamabëtan Diosan ꞌa achúshi ñu a ꞌaisama oin?

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

Deuteronomio 6:1

Ënëx ka ax kikësabi oi ꞌiti bana, ꞌimainun a tanti bana, Diosan ꞌën mitsu ꞌunánminun ꞌinánkë ꞌikën, usa aín kamina anumi kuankanti me anuxunbi manukinma, a banakama mitsun tanti ꞌain.

Josué 24:21

Usakian kakëxunbi ka Israel unikaman Josué katëkëankëxa: —Usai ꞌikima kananuna nukaman axa Nukën ꞌIbu ꞌikë ashi rabiti ꞌain.

Josué 24:22

Usai kikania ka Josuénën katëkëankëxa: —Mitsuxbi kamina Nukën ꞌIbu ismina rabinuxun ꞌai kiax kikanin. Kakëxun ka —atúnribi nukamanbi kananuna a ꞌai —kixun kakankëxa.

Josué 24:24

Ësokin kakëxunbi ka Israelkaman amiribishi Josué kakëxa: —Nukaman kananuna Nukën ꞌIbu Dios rabiti ꞌain, ꞌimainun kananuna uisai ꞌinun kara ax kia usaibi ꞌiti ꞌain.