Éxodo 24:18 - Kashibo-Kakataibo Biblia

¹⁸ Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 24:18 Iomraidhean Croise

1 Reyes 19:11

Usa ꞌain ka Diosan Elías kakëxa: “Anumi ꞌuxkë bashi kini ënuax chikíntankëx kamina ꞌën istisabioí aín xëkuë ꞌurama ënubi niti ꞌain.” Usakin kakëxa Elías chikíkëma ꞌaínbi ka Dios bërámashi inúkëbë, suñúan kushiira anu ꞌibúkin kamabi ni tsasipakin masókëxa, masónan ka anua ꞌikë maparakamaribi tukapakëxa; ꞌaínbi ka Dios suñúan ꞌibúkë anuma ꞌiakëxa. Usaia suñúan kushiira ꞌibútankëx bukubukëbëshi ka meribi shaíkiakëxa; ꞌaínbi ka me shaíkikë anubi Dios ꞌaíma ꞌiakëxa.

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

Éxodo 19:20

Usai abë banakin ka Nukën ꞌIbu Sinaí kakë bashi chairukë anu ubuxun Moisés mapërakënun kixun kakëxa. Kakëx ka Moisés mapërakëakëxa,

Éxodo 24:17

Usakin ꞌamainun ka Israel unikama ismainunbi ain bashi chairukë anu tsi rëkirukënëan ñu nënkësa ꞌinun ꞌia iskankëxa.

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Éxodo 34:28

Usa ꞌain ka Nukën ꞌIbubë Moisés cuarenta nëtë ꞌimainun cuarenta imë́ aín bashi Sinaí kakë anu bërúakëxa anuxun ka añubi pima ꞌianan xëama ꞌikën. Anu ꞌixun ka maxá pará anu këñutima okin ñuikë bana, mapai rabëbëtan sënën ꞌitánun kuënëokëxa.

Éxodo 9:29

Ësai kia ka Moisésnën kakëxa: —ꞌËx ënë ëmanuax chikíkian kinshi kana, ꞌën mëkën manámi okin Nukën ꞌIbu mi ñukáxunti ꞌain. Usakin mi ñukáxunkëxun ka matsi bëruñu pakëkë a ꞌimainun kanákamë ꞌëo sharakiru sharakirukë a nëtë́miti ꞌikën, usakian ꞌaia kamina min ꞌunánti ꞌain ënë mex ka Nukën ꞌIbun unio ꞌikë kixun.

Éxodo 9:33

Usa ꞌain ka Moisésnën faraónbë banatankëx anuax chikíkiani a ëmanuax kuanxun, aín mëkën manámi okin Nukën ꞌIbu atu ñukáxuankëxa. Ñukákëbëishi ka matsin tita pakëti ꞌuí ꞌibúkë a ꞌimainun, kanákamë ꞌëo sharakirukë ax bukubuti nëtë́akëxa.

Mateo 4:2

Anu ꞌixun ca Jesúsan añu ñubi cuarenta imë́ ꞌimainun cuarenta nëtën piama ꞌicën. Ñu piima ca panancëxa.

Marcos 1:13

Sinánmicëx cuanx ca cuarenta nëtën anua pianancë ñuina ꞌicë menu ꞌiacëxa. Anua cuarenta nëtë ꞌicë ca ñunshin ꞌatimanën ꞌapu Satanasnën ñu ꞌaisama ꞌamicatsi quixun caraishiacëxa. Usoiabi ca an Nucën Papa Dios ꞌaquincë aín ángelcaman anu uxun Jesús ꞌaquiancëxa.

Lucas 4:2

Cuanx ca cuarenta nëtën anu ꞌiacëxa. Anua ꞌicë ca ñunshin ꞌatimanën ꞌapun ñu ꞌaisama ꞌamicatsi quixun caraishiacëxa. Anu ꞌixun ca a nëtëcaman Jesusan ñu piama ꞌicën. Ñu piima ca panancëxa.

Deuteronomio 10:10

ꞌËx kana cuarenta imë́ ꞌimainun cuarenta nëtë bërámabi ꞌitabati ꞌikësabi aín bashinu ꞌiakën, ꞌimainun ka amiribishi ꞌën kakëxun kuakin Diosan mitsu këñutisa tankinbi ꞌama ꞌikën,

Deuteronomio 9:18

Usokin ꞌatankëx kana Nukën ꞌIbu ismainunbi menu rantipuruni ꞌëx bëráma ꞌikësaibi ꞌiakën, ꞌi kana cuarenta nëtë ꞌimainun cuarenta imë́ añubi pima ꞌianan xëaima ꞌiakën, mitsux ñu ꞌatima ꞌai ꞌuchakin Nukën ꞌIbu nishmikë kupí kana usai ꞌiakën.

Deuteronomio 9:25

ꞌËn mitsu ñuixunkë usokian Nukën ꞌIbun mitsu këñutisa tankëbë kana, ꞌëx rabuxunën menu rantipuruni tsóbutankëx cuarenta nëtë ꞌimainun cuarenta imë́ ꞌiakën,

Deuteronomio 9:9

Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.