Éxodo 24:13 - Kashibo-Kakataibo Biblia

¹³ Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Éxodo 24:13 Iomraidhean Croise

Éxodo 19:3

Anuax ka achúshi nëtën Moisés aín bashi anu uni ꞌikëma Sinaí kakë anu Diosbë bananux mapë́rakëakëxa, mapërakëtia ka aín bashi chairui sënë́nkë anuxun Nukën ꞌIbun kuëankëxa: —Kuënkin ka Moisés ësokian Jacobnën rëbúnki Israel unikama kanun kakëxa.

Éxodo 3:1

Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Éxodo 32:17

Usai abë ukin an pain kuankin ka Josuénën Moisés kakëxa: —ꞌAisamaira uni ꞌakanani ꞌikësa ꞌinun anu ꞌikë anuax sharatia kana kuatin.

Éxodo 33:11

Diosbë banai ka Moisés ain ꞌunánkë unibëa uni isánani banakësa ꞌinun banakëxa, usai anuax banatankëx ka Moisés anua ꞌikankë anubi kuantëkëankëxa. ꞌAínbi ka uni bëna Josué kakë Nunnën bëchikë an ꞌakinkë xubusa okían ꞌakë a bërúankë ax uínsaranbi anuax kuaiama ꞌikën.

Éxodo 4:27

Usakian ꞌamainun ka Nukën ꞌIbun Aarón ësokin kakë ꞌiakëxa: Anu uni ꞌikëma menu kuantankëxun kamina Moisés aia mëranankini kuanti ꞌain kixun kakë ꞌiakëxa. Usakian kakëx ka Aarón Diosan bashi kakë anua Moisésbë mëranani kuankëxa. Kuanxun ka anua mërakin bëtsukukakin biakëxa.

Números 11:28

Usokian kaia kuakin ka Josué, Nunnën bëchikë bënáxuinshi ꞌakinia ax kanikë an Moisés kakëxa: —¡Diosan uni Moisés min, kamina usakian ꞌakanun ꞌamitima ꞌain!

Josué 1:1

Usa ꞌain ka Moisés Nukën ꞌIbun uni ax ñukë ꞌain, Josué an Moisés ꞌakinkë Nunnën bëchikë a Nukën ꞌIbun ësokin kakëxa: