Éxodo 20:7 - Kashibo-Kakataibo Biblia

⁷ Min Dios ꞌikë min rabiti ꞌikë ꞌë sinanimabi kamina ꞌën anë ñui kitima ꞌain. Ax ꞌën anë ñui ꞌatimati banakë ax ka ꞌatima okë ꞌiti ꞌikën.

Éxodo 20:7 Iomraidhean Croise

Génesis 27:20

Usakian kakëxun ka Isaacnën ñukákëxa: —¿Uisa ꞌixun kaina bënë́kinshi ñuina mërabëtsian, ꞌën bakën? Kakëxun ka min Diosan ka ꞌën bënë́kinshi mëranun ꞌë ꞌakianxa kixun Jacobnën kakëxa.

1 Reyes 2:9

Usa ꞌain kamina abë mëníonanti sinánkima. Min kamina uisokin kara ñu ꞌati ꞌikë kixun upíokin ꞌunan usa ꞌixun, kamina uisa kaina a uni oti ꞌai kixun istankëxun usakin ꞌati ꞌain. ꞌAkin kamina bënëtishia ñunun ꞌimiti ꞌain.”

2 Reyes 5:20

Guehazí an Dios kikë bana ñuikë uni, Eliseo ñu mëëxunkë an sinánkëxa: “ꞌËn ñu mëëxunkë uni Eliseonën ka Naamán sirio uni an ñu bëxun ꞌinánkaskëxunbi añu ñubi bisamatanxa. Usa ꞌain kana Diosan ismainunbi ꞌishtuinshi nuibiani kuanxun, añu karana anua biti ꞌai isikuanti ꞌain.”

Salmos 139:20

ꞌimianan kamina axa mi ñui ꞌatimati banakëkama a ꞌanan. Axa min anë ñui ꞌatimati banakë unikamaribi ꞌati ꞌain.

Levítico 19:12

Unin asérabi ka kixun sinánun kamina ñu ꞌanuxma ꞌën anë ñui banatima ꞌain, usai banakin kamina ꞌëmi uni bananun ꞌimitima ꞌain, usai banakin kamina ꞌën anë ꞌatima oti ꞌain, ꞌëx kana min ꞌIbu ꞌain.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Santiago 5:12

ꞌËn xucë́antu, bëtsi banacama cuaquinbi camina ënë banaira sinánti ꞌain. Mitsux camina mitsun bana isa asérabi ꞌicë quixun unin cuanun —naitanbi cuamainun cana mi cain —quianan —menbi cuamainun cana mi cai —quitima ꞌain. Uisa ñubi cara, a ñui camina —cana asérabi mi cai —quiax quitima ꞌain. Usai quima camina asérabi banáinshi banati ꞌain, Nucën Papa Diosan mitsu ꞌuchotima cupí.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Josué 2:17

Ësokian kakëxun ka uni rabë́ anribi kakëxa: —Nun kananuna sinanátëkëntimokin min nu kakësabiokin asérabi ꞌati ꞌain.