Éxodo 20:3 - Kashibo-Kakataibo Biblia

³ Usa ꞌain kamina bëtsi dios ꞌë isa kixun rabikinma ꞌëshi mitsun Dios ꞌikë rabikanti ꞌain.

Éxodo 20:3 Iomraidhean Croise

Salmos 73:25

¿Uix kara naínu an ꞌë ꞌakinkë a ꞌik? ¡Mixëshi kamina a ꞌain! ꞌËx mibë ꞌixun kana añu ñubi ënë menu ꞌixun kuëëniman.

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 20:23

Uisaxunbi kamina rabinuxun kuri ꞌanan manë uxua ꞌatankëxun ꞌë ꞌakësa okin uniotankëxun a rabitima ꞌain.

Éxodo 32:8

Bënëkinshi ka atun usai ꞌiti ꞌën kakë banakama manuxun bëtsi ñu ꞌaxa. ꞌAkin ka vaca bakë tankin ꞌakë kuri unioxa, usakin ꞌaxun ñuina xaroxunkin rabi ka ësai kia: Ënëx ka Israel unibunën dios an nu Egipto menua bëkë a ꞌikën kiax ka kikanxa.

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 46:9

usai ꞌikinma kamina bërámaira ꞌia ñukama a sinánkanti ꞌain. ꞌËx kana Dios ꞌain, usa ꞌain ka bëtsi ꞌaíma ꞌikën; Dios kana ꞌëx ꞌain, usa ꞌain ka ꞌëbëtan sënën bëtsi dios ꞌaíma ꞌikën.

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Daniel 3:18

ꞌAínbi kamina nun ꞌakëbëtanmabi mix ꞌapu ꞌixun upíokin ꞌunánti ꞌain, nun kananuna min rabikë dioskama rabianan kurimi ñu tankin ꞌamixun nitsínkë aribi ami rantipuruni tsóbukin rabitima ꞌain.

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

Deuteronomio 6:14

ꞌAnan kamina mitsu rapasu ꞌikë unikaman dios isa kixun rabikë ñu rabitima ꞌain.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 22:9

ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Jueces 6:10

ꞌImainun kana ꞌëx mitsun ꞌIbu Dios ꞌai kixun kana mitsu kakën, usa ꞌain kamina amorreo unikaman rabikë aín dios ami rakuë́kantima ꞌain, kamina bërí atun menu tsótan; ꞌaínbi kamina ꞌën mitsu kakësabiokin ꞌakëma ꞌain.