Éxodo 20:16 - Kashibo-Kakataibo Biblia

¹⁶ Mibë ꞌikë unimi kamina ami këmëi banatima ꞌain.

Éxodo 20:16 Iomraidhean Croise

Salmos 15:3

ꞌianan ka uix kara bëtsi ñui ꞌatimai bananan; an ꞌunánkë uni ꞌatima oti sinanx banaima ꞌianan; a rapasu ꞌikë uni ꞌakëxumabi a kuami ꞌatima oti sinanx banaima ꞌimainun;

Levítico 19:11

Bëtsi unin ñu kamina mëkamakantima ꞌain. ꞌIanan kamina këmëi bananan bëtsi unikamabë paránantima ꞌain.

Levítico 19:16

Manan bëkinkin kamina abëmi ꞌikë unikama ñuitima ꞌain. Min ꞌunánkë unían bëtsi uni ꞌai kuankëbë kamina abë kuantima ꞌain. ꞌËx kana min ꞌIbu ꞌain.

Levítico 19:18

Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Mateo 19:18

Cacëxun ca a bëná unin cacëxa: —¿Uisaia ax quicë banacama carana ꞌati ꞌain? Cacëxun ca Jesusan cacëxa: —Uni camina ꞌatima ꞌain. Uni itsin xanubë camina ꞌitima ꞌain. Uni itsin ñu camina mëcamatima ꞌain. Camina bëtsi unimi cëmëi manántima ꞌain.

Lucas 3:14

Suntárucamanribi ca anu cuanxun Juan ñucáquin cacëxa: —¿Nunribi caranuna añu ꞌati ꞌain? Ñucácëxun ca cacëxa: —Camina unin ñu ꞌimainun aín curíqui mëcamatima ꞌain, mëëxun ꞌanan camina paránxunribi unin ñu mëcamatima ꞌain, camina cëmëi ami manánxunribi unin ñu bitima ꞌain. Mitsun ñu ꞌati cupía ꞌapun curíqui ꞌináncëxun camina ꞌatimati banaquinma cuëënquin ashi biti ꞌain.

Hechos 6:13

Abë cërúanancë unicaman ca uni raíriribi cëmëi isa Estebanmi manánun quixun cacëxa. Cacëx cuanxun ca ësaquin cacëxa: —Ënë unix ca Nucën Papa Diosan xubu upí ñuianan Moisésnën cuënëo banaribi ñui nëtëtima ꞌatimati banaia.

Efesios 4:31

Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

2 Timoteo 3:3

Usa ꞌaish ca bëtsibë nuibanainsama tanan aín ami nishcë uniribi abë mëníonantëcëinsama tanti ꞌicën. Usai ꞌiquin ca cëmëi bëtsimi manánan ñunshinacëquin aín sináncë ñuishi ꞌati ꞌicën. ꞌAnan ca sinánñuma ꞌixun raíri uni tëmëramiti ꞌicën. Usai ꞌiquin ca uisa ñux cara upí ꞌicë a ꞌaisama tanti ꞌicën.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.