Éxodo 20:10 - Kashibo-Kakataibo Biblia

¹⁰ ꞌaínbi ka mapai achúshi ꞌimainun achúshi nëtë ꞌiónx pë́karakë anun ñu mëëtima nëtë ꞌikë anun kamina ꞌë rabiti ꞌain. A nëtën kamina añu ñu mëëtibi ꞌatima ꞌain, mitsun bëchikëkama, min bëchikë xanu, min ñumëmikë uni, an mi ñu ꞌaxunkë xanu, min ñuina, ꞌimainun min xubunu ꞌikë bëtsi menu ꞌikë uni akamanbi ka añu ñubi ꞌatima ꞌikën.

Éxodo 20:10 Iomraidhean Croise

Éxodo 16:26

Bërí kamina mikaman mapai achúshi ꞌimainun achúshi nëtë sënë́nmikin mitsun piti biti ꞌain, ꞌaínbi kamina uínsaranbi anun ñu mëëtima nëtën mitsun piti bitima ꞌain.

Éxodo 34:21

Mitsun kamina mapai achúshi ꞌimainun achúshi nëtë ꞌimikin ñu mëëti ꞌain, ꞌaínbi kamina achúshi nëtë ꞌirutëkënkë anun tantiti ꞌain, a nëtën mitsun ñu ꞌapákë aín bimi bianan ñu mëëti ꞌaínbi kamina a nëtën ꞌatima ꞌain.

Levítico 23:3

Mapai achúshi ꞌimainun achúshi nëtë anun kamina mitsun ñu mëëti ꞌati ꞌain, ꞌaínbi kamina a ꞌiónxa pë́karakë anun uisa ñu mëëtibi ꞌatima ꞌain; ax ka anun ñu mëëtima upí nëtë ꞌiti ꞌikën. Anun kamina uinu karamina tsotin anuxunbi timë́xun min ꞌIbu rabikanti ꞌain.

Lucas 23:56

Isbiani atun xubunu cuanxun ca anun Jesús sanu oti ro buánuxun mëníocëxa. Mëníotancëx ca Moisésnën cuënëo bana quicësabi oi, anun ñu mëëtima nëtë ꞌain, tantiacëxa.