Éxodo 2:24 - Kashibo-Kakataibo Biblia

²⁴ Usai atux kia kuakin ka Diosan achúshi ñua Abraham, Isaac ꞌimainun Jacob akamabëtan ꞌa a sinánkin ꞌakiankëxa.

Éxodo 2:24 Iomraidhean Croise

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Génesis 18:18

ax ka kamabi unin chaitiokë ꞌaish achúshi ëma chaiira ꞌimainun kushiira ꞌiti ꞌikën. ꞌËn kana a kupín kamabi menu ꞌikë ëmakamanu ꞌikë unikama upíokin sinánxunti ꞌai kixun kana kan.

Génesis 22:16

kuënkin ka kakëxa: —Nukën ꞌIbu ka kiaxa: Kana isa kamina min bëchikë achúshira ꞌikëbi mi ñukákëxun ꞌën mi kakësabiokin ꞌan, usa ꞌaish kana ꞌëxbi asérabi sinanatëkëntima oi kin,

Génesis 26:2

Anu ꞌikë ꞌain ami chikirakëkin ka Nukën ꞌIbu ësokin kakëxa: “Kamina Egipto menu kuantima ꞌain. Uinu karamina ꞌiti ꞌai ꞌën mi kakë anu kamina ꞌiti ꞌain,

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 8:1

Usa ꞌain ka Nukën ꞌIbu Dios Noemí sinánkëxa sinanan ka kamabi ñuina abëa nunti chaiira anu ꞌikë amiribi sinánkëxa. Sinánkin ka Diosan menu suñu bëkinun ꞌimikëbë ka baka aín ꞌëkë sënëni kuëtsëkëni munu kuabuakëxa;

Salmos 105:42

Usakin ꞌakin ka Diosan uínsaranbi manukinma usakin ñu upí ꞌaxunuxua, aín uni Abraham ka a sinánkëxa.

Salmos 22:24

An ka ax Dios ꞌixun ñuñuma uni tëmërakin ñukákëxun kuakëmasa okinma ꞌakinia. ¡Usa ixun ka ꞌakinun kixun ñukákëxun kuakin ꞌakinia!

Salmos 22:5

mia ꞌakinun kixun ñukákëxun kamina ax ami nishkë unikaman mëkënuabi; mimi katamëtia ꞌakinima ꞌikima ꞌakiankën.

Éxodo 6:5

Usa ꞌain kana Israel unikamax bërí ꞌitsaira tëmëraia ꞌunan, ꞌimainun ka egipcio unibunën ñu mënun ubíokin ꞌamia, usa ꞌain kana ꞌën unikamabë mënionani kia a sinan.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Hechos 7:34

Egipto menuaxa ꞌën unicama tëmëraia isanan cana atúxa unin bëtsi bëtsi ocëx nuibacati banaiaribi cuan. Cuaxun acama tëmëraiabi ië́mi cana uan. Ië́minuxun cana mi pain Egiptonu xutin”.

Jueces 2:18

Uínsaran kara Nukën ꞌIbu an atu ꞌakinun uni achúshi ꞌapu ꞌimia, anun ka anbi ꞌakiankëxa, ꞌakinia ka Diosan Israel an ꞌakinti kaískë unikaman ami nishkë unikaman ꞌaia nuibakin, ꞌakiankëxa, ꞌakinkin ka a unikama atunua chikínun ꞌamiakëxa.

1 Samuel 9:16

“Imë́ishi ënë horanbi kana achúshi, Benjamínën rëbúnki aín menu tsókë xuti ꞌain, akamina ꞌain maxkánu xëni chikukin mamëti ꞌain, ax ka Israel unikaman ꞌapu ꞌiti ꞌikën. An ka filisteo unikaman ꞌatimoiabi ꞌën uni Israelkama ꞌakinti ꞌikën, ꞌënbi kana ꞌitsaira tëmërai kikania kuakin atu ꞌakinti sinan.”