Éxodo 2:23 - Kashibo-Kakataibo Biblia

²³ Usa ꞌain ka ꞌitsa baritia ꞌinúkëbë Egiptonu ꞌikë ꞌapu ñuakëxa. Ñuanka, Israel unibunëx ꞌaisamaira ñu mëëmikëx uisa kupín kara ësokinra nu ñu mëëmia kiax kikankëxa. Ësaia kikania ka Diosan kuakëxa.

Éxodo 2:23 Iomraidhean Croise

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 4:10

Usai kia ka Nukën ꞌIbun kakëxa: —¿Uisa kupín karamina usakin ꞌan? Min xukë́n ꞌanákanën imi menu, ꞌapamikinmi ꞌakë an ka uisa karana oti ꞌai usakin ꞌën mi ꞌanun kia.

Nehemías 9:9

Min kamina uisai kara nun chaitiokëkama Egipto menuax tëmëraia kixun isakën, usa ꞌixun kamina parúmpapa xónsa kakë a kuëbínuxuan atun mi ñukákëxun kuakën.

Éxodo 1:14

Tëmëramikin ka ꞌaisamaira ñu mënun ꞌamikin ami xuamati nishkin atu mëakëxa, ꞌimainun ka me tëi ladrillo ꞌati mëskuti ꞌamianan, atun naënu ꞌikë ñu mëëtiribi ꞌamiakëxa. ꞌAmikin ka Israel unikama atun ꞌatimaira okin tëmëramiakëxa.

Éxodo 4:19

Usa ꞌain ka amiribishi Nukën ꞌIbun Moisés Madián menuxun kakëxa: —Kamina Egipto menu kuantëkënti ꞌain, ax mi ꞌakatsi ꞌia unikamax ka kamáxbi këñúaxa.

Éxodo 6:5

Usa ꞌain kana Israel unikamax bërí ꞌitsaira tëmëraia ꞌunan, ꞌimainun ka egipcio unibunën ñu mënun ubíokin ꞌamia, usa ꞌain kana ꞌën unikamabë mënionani kia a sinan.

Éxodo 6:9

Ësokian kakëxun ka Moisésnën usakian Diosan kakë banakama israel unikama ñuixuankëxa, ñuixunkëxunbi ka ꞌaisamaira ñu mëi atsanxun aín bana kuaisama tankankëxa.

Éxodo 7:7

Usa ꞌain ka a nëtë́an ꞌapu faraónbë banai kuankë anu, Moisés ochenta baritiañu ꞌiakëxa, ꞌimainun ka Aarón axribi ochenta ꞌimainun tres baritiañu ꞌiakëxa.

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Hechos 7:30

Usaquin catancëxun ca ësaquinribi Estebanën ꞌapucama cacëxa: —Cuarenta baritia Madián menu ꞌitancëx ca Sinaí cacë aín bashi ꞌurama, anu uni ꞌicëma me, anu Moisés ꞌiacëxa. Anu ꞌixun ca imaxu anuax tsi rëquirucë mëúcüa ángel achúshi isacëxa.

Deuteronomio 24:15

Usokin ꞌakinma kamina ñu mëbaitiaishi a nëtënbi kupíoti ꞌain, an ka ñuñuma ꞌixun anun aín piti maruti a kuríki kuëënia. Usokin bënë́kin kupíokëxuma ami tëmikë ñuñuma uni an ñukákëxun ka Nukën ꞌIbun mitsúxmi ꞌuchakë ꞌikë isti ꞌikën.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

Jueces 4:3

Jabín kakë ꞌapu ax ka novecientos caballonën nirinkë manë ꞌakë ñu ꞌiakëxa, usa ꞌixun ka a ꞌapun Israel unibu veinte baritia ꞌimikin tëmëramikin ꞌatimokëxa, ꞌatimokëx tëmërakin tankin ka Nukën ꞌIbu an ꞌakinun kixun ñukákankëxa.

1 Samuel 12:8

Jacob ꞌimainun aín aintsikamaxa Egipto menu tsóti kuankë ka a menuxun egipcio unikaman nun chaitiokëma ꞌaisamaira okin ñu mëëmikëx Diosan ꞌakinun kiax kikankëxa, usai ꞌikëbëtan ka Nukën ꞌIbun Moisés ꞌimainun Aarón an atu Egipto menua chikínun kixun ꞌamiakëxa, usakin ꞌakëx ka utankëx anunu bërí nux tsókë ënë menu atux pain tsókankëxa.

1 Samuel 9:16

“Imë́ishi ënë horanbi kana achúshi, Benjamínën rëbúnki aín menu tsókë xuti ꞌain, akamina ꞌain maxkánu xëni chikukin mamëti ꞌain, ax ka Israel unikaman ꞌapu ꞌiti ꞌikën. An ka filisteo unikaman ꞌatimoiabi ꞌën uni Israelkama ꞌakinti ꞌikën, ꞌënbi kana ꞌitsaira tëmërai kikania kuakin atu ꞌakinti sinan.”