Éxodo 2:19 - Kashibo-Kakataibo Biblia

¹⁹ Kixuan kakëxun ka a xanukaman kakëxa: —Achúshi egipcio unin ka nunun rabanan në́kin an ñuina bërúankë unikaman kaiabi kaxun, nun ñuinakama ꞌumpax bixun xëamiaxa.

Éxodo 2:19 Iomraidhean Croise

Génesis 29:10

Usakin kakë basikëma ꞌaínshi ka aín kukun Labánën ꞌarakakë ovejakama bëi ꞌaia Jacobnën isakëxa, isbiani kuanxun ka anua ꞌumpax ꞌikë kini anun mapukë xaxu a mabikin amo rakanakin, ꞌumpax bikin ovejakaman xëamiakëxa;

Génesis 50:11

Usai ꞌiaka anu tsókë cananeo unibunën ꞌaisamaira timëkamë ꞌëokë isakëxa, isí ka kikankëxa: egipcio unibu ka uni ñukë mainux timëkamë ꞌëoxa kiax kikankëxa. Usai anuax ꞌikë ka Abel-misraim kakin anëakëxa, ax ka Jordán baka amiaxa bari urukë au ꞌiakëxa.

Éxodo 2:18

Usakian atun ñuinakama ꞌumpax xëamikëbë ka usai ꞌikëxmabi bënëtishi anua aín papa ꞌikë anu kuankëxa, kuania ka aín papan atu ñukákëxa: —¿Uisa kupín kaina usai ꞌikëxmabi bënëtishi rikuatsinin?

Éxodo 2:20

Ësakian kakëxun ka Reuelnën kakëxa: —¿Uinu kara a uni ꞌik? ¿Uisa kupín kaina bëkinma ashira ëbëtsian? ¡piia unun ka kuëëntan!