Éxodo 2:17 - Kashibo-Kakataibo Biblia

¹⁷ ꞌaínbi ka an ñuina bërúankë unikaman anua mërakin xanu chipashkama anuaxa kuantanun kixun kakëxa. Usakin kakëbëbi nirukin ka Moisésnën atun rabanan unikama kakin xanukama ꞌain ñuina ꞌumpax ꞌamiakëxa.

Éxodo 2:17 Iomraidhean Croise

Génesis 21:25

Usa ꞌaínbi ka Abrahamnën kuëntankëxun Abimélec anua ꞌumpax biti kini a ñuikin kakëxa: ꞌën kana mi kaisatanin min unikaman ka ꞌën anua ꞌumpax biti kini a ꞌë bikuanxa.

Génesis 29:10

Usakin kakë basikëma ꞌaínshi ka aín kukun Labánën ꞌarakakë ovejakama bëi ꞌaia Jacobnën isakëxa, isbiani kuanxun ka anua ꞌumpax ꞌikë kini anun mapukë xaxu a mabikin amo rakanakin, ꞌumpax bikin ovejakaman xëamiakëxa;

Génesis 29:3

usa ꞌain ka atun ꞌarakakë carnerokama anu timë́këbëtan, an bërúankë unikaman anun ꞌumpax mapukë xaxu chaiira achúshi, a buinakin rakanakëxa, usakin ꞌumpax ꞌakëbëtan ka amiribishi kini a xaxu chaiira anun mapuakëxa.

Éxodo 2:12

Mërakin ka unin karaisa isima kixun isbëkinkin isakëxa, iskëxunbia uínbi isiama okin anun rabanan në́ëkin ka aín aintsi an mëëkë egipcio uni ꞌaxun masinu maíankëxa.