Éxodo 19:5 - Kashibo-Kakataibo Biblia

⁵ Usa ꞌain kana ꞌën kakësabiokin kamabi ñu ꞌatëkënkëbë achúshi ñu ꞌati sinanin, bëtsi unikamaxribi ka ꞌënan ꞌikën, ꞌaínbi kamina mitsuxira ꞌën unibu ꞌain, kamabi mex ka ꞌënan ꞌikën.

Éxodo 19:5 Iomraidhean Croise

Génesis 17:9

Katankëxun ka ësokinribi, Nukën ꞌIbu Diosan Abraham kakëxa: —ꞌAínbi kamina min, achúshi ñu ꞌën mibëtan ꞌakë ax kikësabiokin ꞌati ꞌain, ꞌimainun ka kamabi min rëbúnki kamanribi ax kikësaibi ꞌiti ꞌikën.

1 Reyes 8:53

Minbi kamina atun Dios ꞌixun ꞌakinuxun min kaískë unia ꞌikanun bëtsi bëtsi menu ꞌikë ëmakamanua minanbi ꞌinun atu bikin, min uni Moisés kai nun chaitiokëkama Egipto menua chikíntankëx kiakën.”

Job 41:11

¿Uix kara Leviatánbë ꞌakanantankëx uisaibi ꞌikëma asábi ꞌiti ꞌik? Uixi ka kamabi menu ꞌikë unikama usai ꞌitima ꞌikë ax ka ꞌën unio ꞌikën.

Job 41:3

¿An kara ꞌë uisabi oxunma ka ꞌat kixun kanan ꞌë kamina nuibakin kuëmëninkin kati ꞌai kixun mi kati ꞌik?

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Éxodo 24:7

ꞌAtankëxun ka Moisésnën anua usaía atux ꞌiti bana kuënëokë kirika bitankëxun kamabi unían kuamainun isakëxa isia kuati ka kikankëxa: —Asabi ka añu ꞌaxúnun kara Nukën ꞌIbu kia a kananuna ꞌati ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Éxodo 8:22

ꞌAínbi ka anua ꞌën uni Israelkama ꞌikë Gosen kakë me anu añu ñubi ꞌaíma ꞌiti ꞌikën. Usa ꞌain ka anu achúshi chipërabi ꞌaíma ꞌiti ꞌikën. Usaia ꞌikëbëtan kamina ꞌunánti ꞌain ꞌëx kana asérabi min ꞌIbu kushiira ënë menu ꞌai kixun.

Éxodo 9:29

Ësai kia ka Moisésnën kakëxa: —ꞌËx ënë ëmanuax chikíkian kinshi kana, ꞌën mëkën manámi okin Nukën ꞌIbu mi ñukáxunti ꞌain. Usakin mi ñukáxunkëxun ka matsi bëruñu pakëkë a ꞌimainun kanákamë ꞌëo sharakiru sharakirukë a nëtë́miti ꞌikën, usakian ꞌaia kamina min ꞌunánti ꞌain ënë mex ka Nukën ꞌIbun unio ꞌikë kixun.

Isaías 1:19

Mitsun ꞌën bana kikësabiokin ꞌati kuëënkin ꞌën bana tankin, kamina menu ꞌapákëxua upíokin tuaia ꞌain bimi bixun piti ꞌain;

Isaías 41:8

“Israel unikama ꞌën uni Jacob a ꞌën kaisa aín rëbúnkikama, ꞌimainun Abraham ꞌën uni aín rëbúnkikama: Mitsun kamina ꞌën kakëxun kuakanti ꞌain.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Malaquías 3:17

Kamabi kushiñuira Dios ax ka ësai kia: ꞌËn kana anua a unikama ꞌënan ꞌitëkënti achúshi nëtë mënion. Usakin ꞌakin kana achúshi unían an ñu mëëkinkë aín bëchikë nuibakë usaribi okin atu ꞌën nuibati ꞌain.

1 Corintios 10:28

Mitsun piti ꞌaínbia uni itsin mitsu —ënë namix ca unin ꞌacë ñu rabiquin piti ꞌacë ꞌicë —quixun mitsu cacëxun cuni camina pitima ꞌain. An mitsu cacë uni an Jesucristomi catamëcë ꞌixunbi, camabi nami ca bëtsi namisaribi ꞌicë quixun upí oquin ꞌunáncëma ꞌixun, —ënë nami pi cana Nucën Papa Diosmi ꞌuchain —quixun sináncë ꞌain camina a nami pitima ꞌain.

Deuteronomio 10:14

ꞌAínbi kamina mitsun sinánti ꞌain Nukën ꞌIbu Diosnan ka naíkamë ꞌëo ꞌimainun a ꞌurira ꞌikë ñukama ꞌimainun menu ꞌikë ñukamaxribi ka ainan ꞌikën.

Deuteronomio 26:18

ꞌImainun ka Nukën ꞌIbu ësai kiaxa Israel unibu mitsux kamina achúshi ëma asérabi bërí ꞌën unibu ꞌiti ꞌain, ꞌëx kiásabiokin kana ꞌën mitsu kaisakën, usa ꞌain kamina ax kikësabira oi ꞌiti bana a tanti ꞌain.

Deuteronomio 26:19

Nukën ꞌIbu Diosan ka kamabi menu ꞌikë ëmakama ꞌakëxa, ꞌaínbi ka an mitsúxmi ëma achúshi kushiira ꞌaish ainan ꞌikë ñuikania kuati bëtsi ëmakama mitsumi rakuënun Dios kikësabi oi ꞌikanti aín.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 8:9

A banax ca judíos unicama Egipto menua buánquin uisai cara atux ꞌiti ꞌicë quixun ꞌën Moisés cá banasama ꞌiti ꞌicën. Judíos unicama ꞌaquinsa tanquinbi cana atúan ꞌën bana cuaquin ꞌën cacësabi oquin ꞌacëma cupí atu ëancën.

Josué 24:24

Ësokin kakëxunbi ka Israelkaman amiribishi Josué kakëxa: —Nukaman kananuna Nukën ꞌIbu Dios rabiti ꞌain, ꞌimainun kananuna uisai ꞌinun kara ax kia usaibi ꞌiti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.