Éxodo 19:16 - Kashibo-Kakataibo Biblia

¹⁶ Usokian kakë rabë́ ꞌimainun achúshi nëtë sënë́nkëbëa a pë́karakë ꞌain ka kanákamë ꞌëo sharakirumainun nëtë kuin këxtuira an aín bashi mapuakëxa. Mapukë a mëuküaxa kushiira ꞌinun aín manë banañu banaia kuati ka kamabi Israel unikamax aín ꞌikënuaxbi rakuë́ti bërëkankëxa.

Éxodo 19:16 Iomraidhean Croise

2 Samuel 22:10

An ka naíkamë ꞌëo panarabënun ꞌimiakëxa. ¡Usai ꞌikëbë ka kuin këxtuira ꞌuí ꞌibunuxa túnania ꞌikësa a mëu ubúakëxa!

Job 38:25

¿Uin kara uñe ꞌibútia anu ꞌumpax xururukë ax chikiti me naëkë anua ampë́nkikë, usaribi ꞌimianan, kaná mëríkëbë nëtë masá kuatsintankëx ꞌuí ꞌibúkian,

Éxodo 19:11

usakin ꞌai mëníokakë ꞌain kana ꞌëx rabë́ ꞌimainun achúshi nëtë ꞌikëbë kana ꞌëx aín bashi Sinaí kakë anu ubuti ꞌain, kamabi Israel unibunëan ꞌë istánun.

Éxodo 19:15

ꞌimainun ka Moisésnën ësakin kakëxa: —Upiti mëníokanan kamina rabë́ ꞌimainun achúshi nëtë ꞌitamainun mitsun xanu aín nami ꞌatima ꞌain.

Éxodo 19:17

Usaia ꞌikëbëtan ka Moisésnën kamabi Israel unikama aín ꞌikënua chikínbiankin uankëx ka aín bashi Sinaí kakë a tanain sëtëakëxa anuaxa Diosbë mërananti anu.

Éxodo 19:9

kuankë ka Nukën ꞌIbun Moisés kakëxa: —Ka kuat, ꞌëx kana kuin këxtuira nëbëtsinuax mimi mërati ꞌain, anuax ꞌëx mibë banaia ꞌën bana kuati ka unikama mibëbi ꞌianan mix kamina asérabi ꞌën uni ꞌai kikanti ꞌikën. Usakian kakëxun ka Moisésnënribi unikama kikë ñuikin Nukën ꞌIbu katëkëankëxa,

Éxodo 20:18

Kamabi israel unikaman ka kaná banakë a kuanan manë banañu bana okë aribi bana oia kuakëxa, kuanan ka mëríru mëriruia ꞌikë a isanan aín bashinua kuin këxtuira ꞌibúkin mapuruia isakëxa; isi rakuë́ti ka aín bashi ꞌura atux ꞌiakëxa.

Éxodo 20:21

Usakin kakëxa Israel unikama bashi ꞌura ꞌimainun ka Moisés amiribishi anua kuin këxtuira tunan ꞌikë anu Diosbë banai mapërakëakëxa.

Éxodo 40:34

këñúkë ka kuinan xubusa okin chupa ꞌakë anu ꞌibúkin mapumainun ka Nukën ꞌIbun kushin ꞌain namë anu ichúkin tsitsiarakëxa.

Éxodo 9:23

Kakëxun ka Moisésnën, manámi mëshpakin aín tsatin naími sanankëxa usakin ꞌakëbëshi ka Nukën ꞌIbun ꞌimikëx kanákamë ꞌëo mëríru mërirui sharakirukëbëishi ka matsin tita bëruñu menu pakëakëxa. Pakënun ꞌimikëbë ka kamabi Egipto menu matsintita ꞌibúakëxa,

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Hebreos 12:21

Usaía ꞌaisamaira ñu ꞌia isi ca Moisésnëxribi quiacëxa: “ꞌËxribi cana racuëti bërëin”.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 11:19

Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.

Apocalipsis 4:5

Anu tsóti upíira upí anuaxa caná mëriti banaia cana cuan. Cuanan cana anuaxribia bëtsi ñuribi sharatia cuan. Anu Nucën Papa Dios ꞌicë aín bëmánoncüa, cana mëcën achúshi ꞌimainun rabë́ i tëacënu nanxun bimicë́xa ꞌapú rëquirucësaria rëquiruia isan. Isquin cana anu ca Nucën Papa Diosan Bëru Ñunshin Upí ꞌicë quixun ꞌunan.

Apocalipsis 8:5

Usai ꞌicëbëtan ca ángelnën anuxun sanutanun tsëpasa ñu nëënti, anua tsisu rëquirucë biquin, a xanpanu ꞌaruquin buácatancëxun menu niaxa. Nicëbëa caná mëriti banacëbë ca bëtsi ñuribi sharámainun mecama shaíquiaxa.