Éxodo 19:13 - Kashibo-Kakataibo Biblia

¹³ Usa ꞌain ka uínbi axa ñunshikiani bashi tanain kuankë a mëëtima ꞌikën, ax ka maxaxan ꞌanan masibunën ꞌakë ꞌiti ꞌikën. ꞌËn kana ꞌunanima uix kara ꞌunántiokë a inui kuania ax ka uni ꞌimainun ñuinanëxbi bamakë ꞌiti ꞌikën. Usa ꞌain ka ui unikamax kara aín bashi mapërakëtisa tania ax carnero mancha banoia kuati aín bashinu mapërakëti ꞌikën.

Éxodo 19:13 Iomraidhean Croise

Éxodo 19:14

Ësakin Diosan kakëx aín bashinuax taramëbutankëxun ka Moisésnën usakian Diosan a rabinux usai ꞌiti banakama ñuixunkin kamabi Israel unibu kakëxa. Kakëxun ka kamabi unin aín chupa chukakëxa,

Éxodo 19:16

Usokian kakë rabë́ ꞌimainun achúshi nëtë sënë́nkëbëa a pë́karakë ꞌain ka kanákamë ꞌëo sharakirumainun nëtë kuin këxtuira an aín bashi mapuakëxa. Mapukë a mëuküaxa kushiira ꞌinun aín manë banañu banaia kuati ka kamabi Israel unikamax aín ꞌikënuaxbi rakuë́ti bërëkankëxa.

Éxodo 19:17

Usaia ꞌikëbëtan ka Moisésnën kamabi Israel unikama aín ꞌikënua chikínbiankin uankëx ka aín bashi Sinaí kakë a tanain sëtëakëxa anuaxa Diosbë mërananti anu.

Éxodo 19:19

Usaia ꞌimainun ka aín manë bana okë a munu paian bania kuakëxbi amiribi amiribi ꞌi kushiira ꞌinun banakëxa; banamainun ka Diosan abë banakin Moisés kaná banakësai banakin kakëxa.

Éxodo 34:3

Uinu ꞌikë uníxbi ka mix kuankëbë mibë kuantima ꞌikën, uibi kana bashi anua kuania istisamatanin, ꞌimainun kana oveja ꞌimainun, vacakama abi aín bashi bëtánain anuxun pasto pi nitsia istisama tanin.

1 Corintios 15:52

Nuxnu bëriquicë usariishi cananuna bënëtishi aín manë banañua banocëbëishi bëtsi ꞌiti ꞌain. Usai ꞌi cananuna bama ꞌaish amiribishi bamatëcëntimoi baísquiti ꞌain. Usai ꞌimainun cananuna bamacëmacama nuxribi bëtsi ꞌiti ꞌain.

1 Tesalonicenses 4:16

Nucën Papa Dios axbi quicëbëtan, aín ángelcaman cushi an munuma banaquin aín manë banañu, anun Nucën Papa Dios rabiti, a bana obëtsinmainun ca Nucën ꞌIbu Jesucristo axbi naínuax unuxun ꞌaia. Usai ꞌicëbë ca axa Jesucristomi catamëcë ꞌaish bama unicamax pain baísquiti ꞌicën.

Hebreos 12:20

Bananuxun ca Nucën Papa Diosan cacëxa: “Uinu ꞌicë uníxbi ca aín bashi tanáin cuantima ꞌicën, ñuinacaxribi ca cuantima ꞌicën. Uni ꞌimainun ñuina ax anu cuancëcamax ca maxaxan rëanan masíbunën ꞌacë ꞌiti ꞌicën”. A bana sinani ca nucën raracamax racuë́acëxa.