Éxodo 17:5 - Kashibo-Kakataibo Biblia

⁵ Kakëxun ka Nukën ꞌIbun Moisés kakëxa: —Israel unikaman kushi ꞌitsamashi kabiani kamina abë mix pain rëkuë́nkiani kuati ꞌain. Kuani kamina min tsati anúnmi ꞌumpax bëráma rishkikë a buani kuanti ꞌain.

Éxodo 17:5 Iomraidhean Croise

Éxodo 14:16

Min kamina min tsati bikin parúmpapa paná rabëtanun amiokin sananti ꞌain, anúan israel unibu kuantanua me rakati ëskitanun.

Éxodo 3:16

Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Ezequiel 2:6

Mix unin bëchikë ꞌaish kamina atumi rakuë́tima ꞌain, ꞌianan kamina uisakin kara mi kaia usakin kakëx atun banami rakuë́tima, ꞌianan i muxañunën bëarabuinkësa tanan nibantakamanu ꞌikësa tanibi rakuë́tima ꞌain. Usa ꞌain kamina uisakin kara mi kaia kakëxi atun banami rakuë́tima ꞌain, ꞌianan kamina bana kuakëmaira ꞌixun ꞌain bëmánan nishkë okëbëbi atumi ratutima ꞌain.