Éxodo 17:2 - Kashibo-Kakataibo Biblia

² shiman këñutisatankin Moisés ñukákin ësokin kakëxa: —Kananuna shiman, këñutisa tanin nu kamina ꞌumpax xëanun ꞌinánti ꞌain, kixun kakëxun ka Moisésnën kakëxa. —¿Uisati karamina mitsun ësakin ꞌë kain? ¿Mitsux karamina Diosmi sinanima ami manuan? —Kixun ka Moisésnën atu kakëxa.

Éxodo 17:2 Iomraidhean Croise

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Salmos 95:9

uínsaran kara min chaitiokëkama ꞌën ñu ꞌaia iskinbi, ꞌë tankatsi kixun ꞌakankëxa.

Éxodo 15:24

Usa ꞌain ka Israel unibunëx ñukákanani Moisésmi ꞌatimati banai tsuákirui kanankëxa: ¿Añu ꞌumpax karanuna xëati ꞌain?

Éxodo 16:8

Katankëxun ka Moisésnën ësakinribi katëkëankëxa: —Ënë xupibukëbëtan kamina ami piti nami Nukën ꞌIbun mitsu ꞌinánmainun biti ꞌain, bionxun kamina pëkarakëma ꞌaínshi pánribi biti ꞌain, an ka mitsúxmi ami ꞌatimati banakëxun kuaxa. Uisa kupín, ¿Ui karanuna nux ꞌain? Mikamax kamina numi ꞌatimai banakëma ꞌain. Nukën ꞌIbumi kamina ꞌatimai banan.

Éxodo 17:7

usakin ꞌatankëxun ka Moisésnën anua ꞌikë me a Meribá kakin anëakëxa, anuaxa Israel unibu Diosmi ꞌatimai banakë ꞌikë ka usakin anëakëxa, anëanan ka Masá kakinribi anëakëxa, ax ka nu kara Diosan ꞌakinti ꞌikë kixun sinánkima Israel unibunën ꞌatima okin sinánkë kupín ka usakin anëakëxa, ¿Nubë kara Nukën ꞌIbu ꞌikën nubëma kara Dios ꞌik?

Éxodo 5:21

mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Isaías 7:12

Kakëxun ka Ahaznën kakëxa: “Usama ka ꞌën kana Dios ꞌë kamina achúshi ñu ꞌaxunti ꞌai tankin kaima.”

Malaquías 3:15

Nukaman kananuna axa rabiakakë unikamaxa kuëënia isanan, an ñu ꞌatima ꞌakë unikama axa ñuñu ꞌia isan, usai ꞌikin ka atun uisa kara oia iskatsi kixun Dios tania, usakin tankëxubi ka an uisabi okin ꞌatima oima.

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

Mateo 4:7

Cacëxunbi ca Jesusan cacëxa: —Ësairibi ca aín bana quia: “Nucën ꞌIbu Diosan cara ꞌë ië́miti ꞌicë iscatsi quixun camina a tantima ꞌain”.

Lucas 15:12

Aín bëchicë ꞌanácanën ca aín papa caxa: Papan, min bamaquin casunancëxa ꞌënan ꞌiti ñucëñun camina ꞌënan ꞌiti curíqui a ꞌë ꞌinánti ꞌain. Cacëxun ca aín papan atunan ꞌiti ñu aín bëchicë rabë́ ꞌinánxa.

Lucas 4:12

Usoquin cacëxun ca Jesusan cacëxa: —Ësairibi ca Nucën Papa Diosan bana cuënëo quia: “Nucën ꞌIbu Diosan cara ꞌë ië́miti ꞌicë iscatsi quixun camina a tantima ꞌain”.

Hechos 15:10

¿Usa ꞌaínbi caramina mitsux uisa cupí, usama ca quiax Nucën Papa Diosmi ꞌuchanan, judíosma unibu ca judíos unibu ꞌicësai ꞌiti ꞌicë quiax quin? Moisésnëan usai judíos unicama ꞌiti cuënëo bana cuacë ꞌaíshbi ca a banacama quicësabiira oi nucën raracamax ꞌiáma ꞌicën. Nuxribi cananuna atúxa ꞌiá usaribiti ꞌiacën.

Hechos 5:9

Cacëxunbi ca Pedronën cacëxa: —¿Uisaira ꞌixun caramina Nucën Papa Diosan Bëru Ñumshin Upí parani ami ꞌuchati min bënëbëtan sinan? Bëná unicama ca min bënë maínbëtsini aia. Atun ca usaribitimi bamaia miribi buánti ꞌicën.

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.

Deuteronomio 6:16

Nukën ꞌIbu Dios kamina uisa kara mi oia iskatsi kixun, Masá kakë me anuxun ꞌakansa okin tantima ꞌain.

Deuteronomio 9:22

Usonan kamina Taberá, Masá anuxun ꞌanan Quibrot-hataavá anuxunribi Nukën ꞌIbu kikësabi oi ꞌikinma mitsun nishmiakën.

Hebreos 3:9

Ësai ca Nucën Papa Dios quia: Anuax ca ꞌën cuarenta baritia atu bërúanquin ñu ꞌaxuncëxun isíbi mitsun raracama ꞌëmi sinanima ꞌatimati banacëxa.

1 Samuel 8:6

ꞌAínbi ka Samuelnën atun ꞌapu achúshi anëxunun kixun kakëxunbi atu kuëënxuama ꞌikën, kuëënkinma ka abë banakin Nukën ꞌIbu kakëxa. Israel kamax ka atun ꞌapu achúshiñu ꞌisatania kixun kakëxa;