Éxodo 16:34 - Kashibo-Kakataibo Biblia

³⁴ Aarónën ka Diosan Moisés kakësabiokin, tasánu ꞌaruxun bunántisa kurin ratakakakë anu ꞌaruti mëníokin nankëxa, ax ka Diosan atubëtan këñutimokin ꞌakë achúshi ñu anu nankë ꞌiti ꞌikën.

Éxodo 16:34 Iomraidhean Croise

1 Reyes 8:9

Usa ꞌain ka bunántisa okin ꞌakë kurin ratakakakë anu raíri ñukama nankan a ꞌaíma ꞌimainun maxax pará rabë́ anua usai Israel unikama Egipto menuax chikíkiani kuani ꞌitia Diosan kuënëomikëxun ꞌaxun Moisésnën Horeb kakë bashi anuxun nan ashi anu ꞌiakëxa.

Éxodo 31:18

Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Éxodo 40:20

Usakin akamapain sënë́ontankëxun ka Moisésnën ax kikësabi oi ꞌiti bana kuënëokë maxá pará rabë́ a bunántisa kurin ratakakakë mëu ꞌaruakëxa; ꞌarutankëxun ka bunántisa kurin ratakakakë aín ñaruantikama ꞌakëxa, ꞌimainun ka aín maputiribi ꞌatankëxun xubu chatani aín kata upíira a ꞌukëmëu uankëxa; uanxun ka chuparibi bunántisa kurin ratakakakë axa ꞌukëmëu ꞌinun nëbëtsin amo rabë́ ꞌitanun bëarakin bëpankëxa; Nukën ꞌIbun usakin ꞌanun kakësabiokin ka ꞌakëxa.

Deuteronomio 10:5

ꞌinánkëx kana ꞌëx aín bashinuax taramëkëbuakën; usai taramëbutankëxun kana bunántisa okin ꞌakë anu maxá parókin ꞌakë rabë́ anu ꞌaruakën Nukën ꞌIbun ꞌë kakësabiokin, ax ka anu nan ꞌaish bëríbi anubi ꞌikën.”