Éxodo 16:3 - Kashibo-Kakataibo Biblia

³ Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Éxodo 16:3 Iomraidhean Croise

2 Samuel 18:33

Ësokin kakëx ka ꞌapu ratuakëxa, ratúkiani ka xubu manámi kuaruax xëkuë manámi anua ꞌuxkë anu atsíanx anuax iankëxa. Usai masá nuituti ini kuain bëkini nitsi ka kiakëxa: “¡ꞌËn bakë bëchikë Absalón! ¡ꞌËn bakë bëchikë Absalón! ¡ꞌËn bakë bëchikë Absalónnëxma ꞌëx pain kana ꞌën bakë bëchikë Absalón ꞌinun ꞌëx pain ira bamati ꞌian! ¡ꞌËn bakë bëchikë ꞌibu Absalón ax ka ꞌën bakë bëchikë ꞌikën!” (Ësai ki ka iankëxa.)

Job 3:1

Usai ꞌitsaira paë tani tëmërai nuibakati ka uisa bananbi banaima ꞌitankëx ka Job, anúan bakë́an nëtë ñui ꞌatimati banai ësai kiakëxa.

Job 3:10

¡ꞌAtima okë ka ën titan anun ꞌë tuá imë́ ax ꞌiti ꞌiakëxa, usa ꞌain kana ënë menuax tëmëranux bakë́ama ꞌitsían!

Job 3:20

¿Uisa ꞌixun kara Diosan ënë nëtënu tsotia tëmëranux bakënun uni ꞌimin? ¿Uisa ꞌixun kara Diosan axa ꞌitsaira tëmërakë uni a basi pain tsónun ꞌimia,

Salmos 107:5

usai nitsi ka pananx nianan ꞌumpax a xëati ꞌaíma ꞌain shimax, nitsi bamatisa tankankëxa

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 17:3

Kakëxunbi ka ñunshinakëkin Israel unikaman shiman bamatisaira tankin ami nishkin Moisés kakankëxa: —¿Ësokin ꞌanuxun karamina nu Egipto menua chikínbëtsinkin ënu bëan? ¿Uisoti karamina nun bëchikë ꞌimainun nun ñuina kamakëñunbi shiman bamaminuxunbi nu chikían?

Éxodo 2:23

Usa ꞌain ka ꞌitsa baritia ꞌinúkëbë Egiptonu ꞌikë ꞌapu ñuakëxa. Ñuanka, Israel unibunëx ꞌaisamaira ñu mëëmikëx uisa kupín kara ësokinra nu ñu mëëmia kiax kikankëxa. Ësaia kikania ka Diosan kuakëxa.

Éxodo 5:21

mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Números 11:15

Ësokin ꞌaisatankin kamina, ꞌë bamatanun ënti ꞌain, asérabi min nuibakin kamina usakin ꞌë ꞌati ꞌain. Usakinmi ꞌakëx kana ꞌitsaira nuibakatima ꞌain.

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:3

¿Uisati kara Nukën ꞌIbun ënë menu nu bëax? ¿Nuxnu ꞌakanani bamakëbëtan kara nun xanukama ꞌimainun nun bëchikëkama nu ꞌatankëxun bëtsi unikaman biti ꞌik? ¡Usa ꞌain sapi kananuna Egipto menubi kuantëkënti ꞌain!”

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

1 Corintios 4:8

Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan ꞌunánmicëxun camabi ñu ꞌunanin —quixun. Usa ꞌaish camina nun bëtsi ñu mitsu ꞌunánmiti cuëëniman. Mitsun sinani camina mitsúxbi ꞌapusa ꞌain, Jesucristo utëcëncëma ꞌaínbi. Mitsúxmi ꞌapu ꞌain cananuna nuxribi cuëëni ꞌapu ꞌitsían.

2 Corintios 11:1

Sinánñuma uni ꞌicësai ꞌëx rabiti banaiabi mitsun ꞌën bana cuati cana cuëënin. Usai banaiabi ꞌën bana cuatibi camina ꞌicanin.

Deuteronomio 8:3

ꞌImainun ka ñu narakamikinma tëmëramikin numin pain ꞌimitankëxunbi maná kakë piti mitsu pimiakëxa, a pitix ka mitsun ꞌunánkëma ꞌimainun nun chaitiokë kamanbi ꞌunánma piti ꞌiakëxa, usokin ꞌakin ka ñu pishi ka uni tsótima ꞌikë Nukën ꞌIbun banaribi ꞌai ka uni ami katamëti tsóti ꞌikë kixun ꞌunánmisatankin Diosan usakin ꞌakëxa.