Éxodo 16:23 - Kashibo-Kakataibo Biblia

²³ ñuixunkëxun ka Moisésnën kakëxa: —Asérabi ka ësai Nukën ꞌIbu kiaxa: Imë́ishi ka sábado nëtë ꞌia, ax ka achúshi nëtë anun ñu mëëima ꞌianan, anun Nukën ꞌIbu rabiti nëtë ꞌikën. Usa ꞌain kamina imë́ishi piti ꞌati sinánxun bëríbi ꞌaruti a ꞌaruanan xuiti a xuiti ꞌain, ꞌaxun kamina tëxëokë a imë́ishi ꞌati mëníokin nankanti ꞌain.

Éxodo 16:23 Iomraidhean Croise

Nehemías 9:13

Usokin ꞌatankëxun kamina aín bashi Sinaí kakë, anuax nun chaitiokëkamabë naínuaxëshi banakin min bana upíirabu a ꞌunámikin asérabi a tanti banakama ꞌimainun ax kikësabi oi ꞌiti akama upíokian ꞌunánun min banakama ꞌinánkën.

Nehemías 9:14

ꞌInánkin kamina uisai kara sábado nëtë ꞌikëbë tantiti ꞌikë aribi ꞌunámianan a tanti banakama asérabia min uni Moisésnën upíokin ꞌunánminun ꞌamiakën.

Éxodo 16:19

Usakin ꞌakania ka Moisésnën kakëxa: —Uínbi ka imë́ishi pinuxun tëxëoxun nantima ꞌikën.

Levítico 23:3

Mapai achúshi ꞌimainun achúshi nëtë anun kamina mitsun ñu mëëti ꞌati ꞌain, ꞌaínbi kamina a ꞌiónxa pë́karakë anun uisa ñu mëëtibi ꞌatima ꞌain; ax ka anun ñu mëëtima upí nëtë ꞌiti ꞌikën. Anun kamina uinu karamina tsotin anuxunbi timë́xun min ꞌIbu rabikanti ꞌain.

Números 11:7

(Maná ax ka ꞌatsa putu iskësa ꞌiakëxa; usa ꞌaish ka panshian bëpinñu ñu bëru iskësaribi ꞌiakëxa,

Números 11:8

ꞌimainun ka harina xënikëñun mëskukësa ꞌikë ꞌunánkëxa. Usa ꞌikë ka manánuax nipakëtia aín ꞌikënuax chikítankëxun bixun unin rëanan chakaxun pëpëkaxun ꞌanan pánsa okin ꞌaxun xuiakëxa.

Lucas 23:56

Isbiani atun xubunu cuanxun ca anun Jesús sanu oti ro buánuxun mëníocëxa. Mëníotancëx ca Moisésnën cuënëo bana quicësabi oi, anun ñu mëëtima nëtë ꞌain, tantiacëxa.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.