Éxodo 16:16 - Kashibo-Kakataibo Biblia

¹⁶ Ësokin ꞌën mitsu kanun ka Nukën ꞌIbu kiaxa: Usa ꞌain kamina mitsu achúshi achúshinën uiti karamina kuëëni ꞌati bikanti ꞌain, ꞌimainun ka uiti uni kara aín xubunu ꞌia abëtan pitibëtan sënë́inshi bikanti ꞌikën, bikin ka achúshi achúshi unin xampa achúshi bikaskin bianan rabë́ xampa bikinbi a inumikin cha bitima ꞌikën.

Éxodo 16:16 Iomraidhean Croise

Éxodo 16:17

Usakin ka Israel unikaman Diosan kakësabiokin ꞌakëxa. ꞌAkin ka bëtsin bëtsín chabimainunbi, raírinënribi chukúmashi biakëxa,

Éxodo 16:18

bikin ka uiti cha biti kara sinánkë ꞌikë ꞌati chabi biakëxa; usakin bikëx ka an chabikë ainan tëxëima ꞌianan an chukúma bikë ainanribi aín piti sënë́nbi ꞌiakëxa. Usakin bikin ka kamaxunbi atun pitibëtan sënë́nbi bikankëxa.

Éxodo 16:36

(Maná tupunkin ka Israel unikaman ñutë chanua ꞌikë veinte litrosa maná a achúshi xampami rabë́ litrosa ꞌitánun tupuankëxa.)