Éxodo 16:15 - Kashibo-Kakataibo Biblia

¹⁵ Usai ñu ꞌia iskëma ꞌaish ka Israel unibu ratuti kanankëxa: “¿Añu kara ënëx ꞌik?” Kananiabi ka Moisésnën kakëxa: Ënëx ka Nukën ꞌIbun mitsu piti ꞌinánkë pán a ꞌikën.

Éxodo 16:15 Iomraidhean Croise

Nehemías 9:15

ꞌImainun kamina naínu ꞌikë pán ꞌakëñuma ꞌixuan pinun ꞌinánan ꞌumpaxribi maparanua shióbutia shimaxun xëanun ꞌinánkën. Usokin pain ꞌatankëxun kamina a ꞌinánkatsi kixunmi nun chaitiokëkama ká me a bitsia anu kuanun atu ꞌimiakën.

Nehemías 9:20

Usa ꞌain kamina min atu ꞌakinkin uisai kara tsóti ꞌikë min kushin ꞌunamikin uínsaranbi ënkinma atun piti maná ꞌinánan shimakian xëati ꞌumpax aribi ꞌinánkën.

Salmos 105:40

ꞌIanan ka atun pitia ñukákëxun ꞌumpanxonëmë ꞌëo këñun, naínu ꞌikë piti aribi ꞌinánkëxa ꞌinánkëxun pi ka pananima puchacëshi ꞌikankëxa.

Éxodo 16:31

Usa ꞌain ka Israel unibunën bikin a piti maná kakin anëakëxa. Ax ka uxua ꞌaíshbi cilantro kakë ñu bëru uxua usa ꞌaish, buna rëpakëñun mëskuxun pán pikësa ꞌiakëxa.

Éxodo 16:33

Usakin atu pain katankëxun ka Moisésnën Aarónribi ësokin kakëxa: —Achúshi ñutë bitankëxun kamina anu rabë́ litro maná nanti ꞌain. Usakin ꞌaxun kamina anuxun Dios rabiti ꞌakë anu nanti ꞌain, anu nan ꞌikë ka nun rëbúnki kamanribi anua isti ꞌikën.

Éxodo 16:4

Ësai kia kuankin ka Nukën ꞌIbun Moisés kakëxa: —ꞌËn kana atúan pinun naínu ꞌikë piti ꞌaisamaira ꞌinánti ꞌain. Usa ꞌain ka unin kamabi nëtën ain piti biti ꞌikën, aín xubunuax chikixun ka achúshi nëtën pitibëtan sënënbi biti ꞌikën. Uin kara ꞌëx kikësabiokin ꞌaia isanan kana uin kara ꞌaima isti ꞌain.

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

Lucas 12:30

An Nucën Papa Dios ꞌunáncëma unicaman ca ñuñu ꞌitishi sinánan aín piti bitishi sinánan aín chupa bitishi sinania. A unicaman usaquin sináncë ꞌaínbi ca mitsun Papa Diosan ꞌunania, mitsux chupañu ꞌianan pitiñu ꞌaish cuni camina upitax bucuti ꞌai quixun.

Juan 6:49

Mitsun raracamax ca anu uni ꞌicëma menuxun Nucën Papa Diosan ꞌináncë maná cacë ñu pibi bamatimoi tsoóma ꞌicën.

Juan 6:58

ꞌËx cana naínuaxa uá pitisa ꞌai quiax cana ꞌëx quin. ꞌËx cana mitsun raracaman piá manásama ꞌain. Mitsun raracamax ca maná cacë ñu pibi bamatimoi tsoóma ꞌicën. Usa ꞌaínbi ca an ꞌëmi catamëquin ꞌë picësa uni ax ainan ꞌaish xënibua ꞌaínbi Nucën Papa Diosbë ꞌiti ꞌicën.

1 Corintios 10:3

Cuanquin ca camaxunbi Nucën Papa Diosan ꞌináncë piti piacëxa. An ꞌináncë ꞌunpáxribi ca camaxunbi xëacëxa, xaxúnpapanuaxa shaquibutia.

Deuteronomio 8:16

ꞌimianan ka anu uni ꞌikëma menuxun maná kakë piti nun chaitiokë kaman ꞌunánma piti a nu pimiakëxa, usakin ꞌakëx karanuna ami sinani ꞌisnuxun, ka nu tankin usakin ꞌakëxa.

Deuteronomio 8:3

ꞌImainun ka ñu narakamikinma tëmëramikin numin pain ꞌimitankëxunbi maná kakë piti mitsu pimiakëxa, a pitix ka mitsun ꞌunánkëma ꞌimainun nun chaitiokë kamanbi ꞌunánma piti ꞌiakëxa, usokin ꞌakin ka ñu pishi ka uni tsótima ꞌikë Nukën ꞌIbun banaribi ꞌai ka uni ami katamëti tsóti ꞌikë kixun ꞌunánmisatankin Diosan usakin ꞌakëxa.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.

Josué 5:12

Usakian ñu ꞌapákë aín bimi pikin pëukë ꞌain ka atúan pikë maná ax nëtë́ti amiribishi ꞌibútëkëama ꞌikën, usai ꞌikëbëtan ka a barin Israel unibunën Canaán menu ꞌapákë ñukama ashi bixun piakëxa.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.