Éxodo 15:9 - Kashibo-Kakataibo Biblia

⁹ Ax numi nishkë unikaman ka sinánkë ꞌiaxa: Uinua karanuna nukúti ꞌain, anua nukui kuanuxun kananuna nuiti ꞌain, nukuxun ꞌatankëxun ain ñukama bitankëx kananuna mëtikananti ꞌain. Usakin ꞌax kananuna asábi ꞌiti ꞌain, nun manë xëtokë a bikin anun ꞌakin kananuna atu këñuti ꞌain.

Éxodo 15:9 Iomraidhean Croise

Génesis 49:27

Benjamín, min rëbúnki kamaxribi ka tsira ꞌinu, në́kënëan pëkarakuantsinkëma ꞌain ishi aín piti ninua ñuina bixun, pitankëxun bari xupibukëbëtan aín tëxëkë a ꞌain raíribëtan pikësa usa ꞌiti ꞌain. Usaribi okin kamina axa mimi nishkin këñukatsikixun ꞌakëxunbi minra axa mimi nishkë unikama ꞌati ꞌain.”

2 Samuel 22:38

Axa ꞌëmi nishkë unikama abatia nuibianxun kana atu nukuxun ꞌakin këñukin ꞌakën, usokin ꞌakin kana achirabi kuaintanuma ꞌakin këñubëtsini ꞌën ꞌikënubi uakën.

1 Reyes 19:2

Usakian ñuixunkëxun kuatankëxun ka Jezabelnën achúshi uni an Elías ësokin kaxuntanun kixun xuakëxa: “¡Mix kamina Elías ꞌain ꞌëx kana Jezabel ꞌain! Min kamina an Baalnu ꞌikë an bana ñuikë unikama rëtëmian, usa ꞌain ka dioskaman, imë́ishi ënë horanbi ka an Baalnën bana ñuikë unikama ꞌamikësaribi okin ꞌaiama ꞌë tëmëramiti ꞌikë kixun ka kamiakëxa.”

Éxodo 14:5

Usaia atux ꞌimainun ka Egiptonu ꞌikë ꞌapun Israel unikama ka abatia kixun chaniokania kuakëxa. Usakin chanioia kuati ka ꞌapu faraón ꞌimainun an ñu ꞌaxunkë aín unikama atumi sinani kánani kiakëxa: ¿Uisoti karanuna israel unibu kuantanun xuan, uin kara bërí nukama ñu mëëxunti ꞌik?

Isaías 53:12

Usa ꞌikë ka Diosan ñunuxa abi ꞌinamëa ꞌikë, anua uni chabu ꞌikë anu ꞌimia ꞌixun, anua uni kushiirabu kanantankëx ꞌikë anua atubë ꞌinun ꞌimiti ꞌikën, a ka unin axribi ka uni ꞌatima ꞌikë kixun unin sinánkëxa, usa ꞌixun ka kamabi unin ꞌucha ainansa ꞌikë papianan kamabi uni atun ꞌucha kupín ñukáxuankëxa.

Habacuc 3:14

Usakin ꞌanan kamina aín ꞌapukamabi an tuinkë aín pianbi ꞌan, usokëbë ka axa caballonu ꞌikëkama nëtë masá kuatsinkësa ax ꞌëx kana usaira ꞌai kiax kima an ꞌakintiñuma ꞌain, unikaman atu ꞌunánnumaishi unëxun këñukin ꞌati ꞌikën.

Lucas 11:22

Usa ꞌaínbi ca asamaira cushi uni uquin a mëëquin ñusmoquin axa anun ꞌacanancë ñucama, amia catamëcë, acama bianan aín ñu raíriribi biquin aín unicama mëtícaquin ꞌinánti ꞌicën. Usaribi oquin cana ꞌën aín ꞌapusama cushiira ꞌixun ñunshin ꞌatima chiquinin.

Jueces 5:30

ꞌËn sinánkëx sapi ka ꞌakanankian bikë ñukama pain ꞌinánani ꞌia. ꞌIanan sapi ka xanu bixun an ñu mëëxunti achúshi ꞌinánkinma xanu rabë́ rabë́ axa ꞌakanankë unikama ꞌinani ꞌia; ꞌianan sapi ka Sísara aín chupa bëtsi bëtsi okin pukukë aribi achúshi ꞌinánkinma rabë́ ꞌinani ꞌia ꞌianan kara chupakama upíokin kuënëokë, an ira uni ꞌakëkama anúan tëtata kinun ꞌinani sapi ka ꞌia kiax ka kiakëxa.