Éxodo 15:6 - Kashibo-Kakataibo Biblia

⁶ ꞌËn ꞌIbu, min mëkën mëkeu kushiira ꞌixun kamina, an nu ꞌakatsi ꞌikë unikama këñuan.

Éxodo 15:6 Iomraidhean Croise

Salmos 2:9

Usa ꞌain kamina min kushin kamabi ꞌapu ꞌatimakama; ¡kamina me ꞌakë kënti tukapakësa okinshi ꞌati ꞌain kixun ka ꞌë Diosan kaxa kiax ka ꞌapu kiaxa!

Salmos 24:8

¿Ui kara ꞌapuira ꞌianan kushiira ënëx ꞌik? ¡Ax ka Nukën ꞌIbu kushiira ꞌianan rakuëma ꞌikën! ¡Ax ka Nukën ꞌIbu ꞌaish rakuëtimaishi ꞌakanania!

Salmos 89:14

Min kamina achúshi ꞌapun ꞌakësokin upíira okin ñu ꞌain; usa ꞌixun kamina min kushínbi kamabi ñu ꞌakin ënkinma nu nuibati ꞌain.

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 15:12

Min kamina min kushínbi. Egiptonu ꞌikë unikama bakan mapukin këñunun ꞌamian.

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Éxodo 3:20

Usa ꞌaínbi kana ꞌëx kushiira ꞌixun ꞌën kushi ismikin egipcio unikama bamamikin atun isama ñu ꞌati ꞌain, usakin ꞌakin kana anun rakuë́ti ñu uínsaranbi a menuxun isama ñu ꞌati ꞌain; ꞌakëbëtan ka mikama anuaxmi kuantanun ꞌain menua faraónën mitsu chikínti ꞌikën.

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Isaías 30:14

ꞌianan ka mapú ꞌakë ñutë axa pakëti sarimëti, ami chimapu bisama ꞌianan anun ꞌumpax kininua, bisamabi aín tukibukë usaribi ꞌinun masókë ꞌiti ꞌikën.”

Isaías 52:10

Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Isaías 63:12

¿Uinu kara aín kushin Moisés ꞌakian ax ꞌik? ¿Uinu kara aín unikaman ismainun parúmpapa panarabënun uinsaranbi nëtë́tima okin ꞌimia ax ꞌit?

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Apocalipsis 2:27

ꞌËn Papa Diosan aín cushi ꞌë ꞌináncësabi oquin cana a unicama ꞌën cushi ꞌinánquin unían aín bana cuanun ꞌimiti ꞌain. ꞌËn usaquin ꞌimicëxun ca atun, camabi unían aín bana cuanun ꞌimiti ꞌicën, uni itsían uni itsi aín bana cuanun quixun aín manë xo tuínxun racuë́ocësaribi oquin.

1 Samuel 2:10

Nukën ꞌIbun ka axa ami nishkë unikama këñunun ꞌimiti ꞌikën, ꞌimikin ka naíkamë ꞌëonuax kanákamë ꞌëo banarui ꞌikin atunu ꞌibúkin këñunun ꞌimiti ꞌikën. Usakin ka Nukën ꞌIbun kamabi menu ꞌikë unikama ꞌati ꞌikën; ꞌanan ka anbia ꞌapu ꞌinun kaiskë ꞌapu a kamabi nëtëan kushiñu ꞌinun ꞌimiti ꞌikën.