Éxodo 15:18 - Kashibo-Kakataibo Biblia

¹⁸ ¡Nun ꞌIbu mix kamina ꞌapuira ꞌaish uínsaranbi këñutima oi tsoti oi uniakën!

Éxodo 15:18 Iomraidhean Croise

Génesis 21:33

Usa ꞌain, ka Abrahamnën Beerseba kakë me anu achúshi i tamarisco ꞌapákëxa, anuxun ka unin Nukën ꞌIbun Diosan anë rabiakëxa, axa bamatima oí tsókë a.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 4:3

An ꞌakë ñux ka chaiirabu ꞌimainun upíira ꞌikën, usa ꞌain ka ax xënibua ꞌaínbi ꞌiti ꞌikën, ꞌimainun ka aín kushi ax xënibua ꞌaínbi këñutima ꞌiti ꞌikën.

Daniel 7:14

ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Deuteronomio 33:5

ꞌinánkin ka anua Israelkaman kushibu timë́kë anuxun atun ꞌapu ꞌixun, israel unikama ñakaitsi ñakaitsi timë́kë akamaribi ꞌinánkëxa.