Éxodo 15:16 - Kashibo-Kakataibo Biblia

¹⁶ Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Éxodo 15:16 Iomraidhean Croise

Génesis 35:5

Uínsaran kara atux chikitia anun ka Diosan atu ꞌurama ꞌikë ëmakama ꞌitsaira rakuënun ꞌimiakëxa, usokëx rakuë́kin ka Jacob ꞌimainun aín bëchikëkama nuiama ꞌikën.

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

Salmos 105:38

Kuania atu isi ka egipcio unikama kuëënkankëxa, amira atux rakuëkankëxia Israel unikamax kuania isi ka kuëënkankëxa.

Salmos 89:14

Min kamina achúshi ꞌapun ꞌakësokin upíira okin ñu ꞌain; usa ꞌixun kamina min kushínbi kamabi ñu ꞌakin ënkinma nu nuibati ꞌain.

Éxodo 11:7

ꞌImainun ka mitsunmi uisakin kara Nukën ꞌIbun egipcio unikama bëtan sënë́ma inun Israel unikama ꞌimia kixun ꞌunánun achúshi kamunanbi uni ꞌanan ñuina israel unikaman ꞌarakakë ñuina abi banotima ꞌikën.

Éxodo 15:13

Min kamina min unikama ꞌitsaira nuibatin, usa ꞌixun kamina min kushi chaiira ꞌixun nukama ië́mikin ꞌakian; usa ꞌain kamina anuxun mi rabiti xubu anuxun rabikë ꞌiti ꞌain.

Éxodo 15:5

Usai ꞌia kamabi atux maxá ꞌikësai parúmpapa nëbëtsi nanëtia ka baka panarabëkë an biranakin mapuaxa.

Éxodo 15:6

ꞌËn ꞌIbu, min mëkën mëkeu kushiira ꞌixun kamina, an nu ꞌakatsi ꞌikë unikama këñuan.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Isaías 63:12

¿Uinu kara aín kushin Moisés ꞌakian ax ꞌik? ¿Uinu kara aín unikaman ismainun parúmpapa panarabënun uinsaranbi nëtë́tima okin ꞌimia ax ꞌit?

Jeremías 31:11

Nukën ꞌIbun ka Jacobnën rëbúnki, aín unikama atusama kushiira unikamanua chikíankëxa.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Deuteronomio 32:6

¿Mitsun kaina usakin Nukën ꞌIbu ꞌati ꞌain? Mitsux kamina ñu ꞌunánkëma ꞌain, usa ꞌaish kamina ñu ꞌunánkëmabu ꞌain. ¿Ax kara min papa ꞌianan an mitsu unio ama ꞌik? ¡An ka mi uniotankëxun mi anun tsóti ꞌinánkëxa!

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Josué 2:9

ꞌËn sinánkëxun ka Nukën ꞌIbun mitsunan ꞌinun ënë me mikama ꞌinánti ꞌikën, usa ꞌain kananuna nukamax ꞌitsaira rakuë́tin. Usa ꞌain ka axa ënë menu tsókë unikama mitsux ukë kuati rakuëtan bamaia.

Josué 4:24

An ka usakin ñu ꞌakëxa kixun ka kamabi menu ꞌikë unin Nukën ꞌIbu ax ka kushiira ꞌikë kixun ꞌunánti ꞌikën, usa ꞌikë kamina ashi mitsun Nukën ꞌIbu ikë rabiti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.

1 Samuel 2:9

An ka aín unikama uinu kara nitsia anuabi bërun oia, ꞌaínbi ka an ñu ꞌatima ꞌakë unikama Dios ꞌunánkëma ꞌaish bëánkibukënu bamaia, usa ꞌain ka uínbi ax kushi ꞌikë a uisabi oima.