Éxodo 14:8 - Kashibo-Kakataibo Biblia

⁸ Nukën ꞌIbun aín sinan iruaranun ꞌimikëxun ka faraónën aín suntárukamabëtan, Israel unikama kuania nuiakëxa; Diosan aín kushínbi chikinkëx kuaniabi ka usakin ꞌakëxa.

Éxodo 14:8 Iomraidhean Croise

Salmos 105:43

Usakin ꞌakian Diosan chikinkëx ka aín unikama, munuma kuëëni sharákin rabibiani chikikankëxa,

Éxodo 10:27

Usai kikëbëtanbi ka Nukën ꞌIbun ꞌapu faraón ashikin aín nuitu iruaranun sinánmiakëxa, sinánmikëxun ka Israel unikama kuantanun xuama ꞌikën.

Éxodo 13:18

Usa ꞌain ka Diosan Israel unikama anu uni ꞌikëma me anun kuankian parúmpapa xónsa kakë a ratanarati kuanun ꞌimiakëxa. ꞌImikëx ka Egipto menuax kuani Israelkaman suntáru kuankësa usarabi kiani kuankëxa.

Éxodo 14:17

ꞌËn kana egipcio unikama aín sinan iruarakin mitsu kuania nuinun ꞌamiti ꞌain; usai ꞌia kana ꞌën kushi ismikin ꞌapu faraón aín suntárukama ꞌimainun kamabi aín caballonën nikinkë anuaxa ꞌakanankë a kamakëñunbi uisa kushiñu karana ꞌëx ꞌai kixun isnun ismiti ꞌain.

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Éxodo 14:7

Kuankin ka seiscientos caballonën nikinkë anuaxa ꞌakanankë aín upíirabu bianan kamabi caballonën nikinkë Egiptonu ꞌikë buánkëxa, anun ka suntárunën kushikama achúshi achúshinëx kuankëxa.

Éxodo 15:9

Ax numi nishkë unikaman ka sinánkë ꞌiaxa: Uinua karanuna nukúti ꞌain, anua nukui kuanuxun kananuna nuiti ꞌain, nukuxun ꞌatankëxun ain ñukama bitankëx kananuna mëtikananti ꞌain. Usakin ꞌax kananuna asábi ꞌiti ꞌain, nun manë xëtokë a bikin anun ꞌakin kananuna atu këñuti ꞌain.

Éxodo 4:21

Usa ꞌain ka Nukën ꞌIbun Moisés bërámabi kakë ꞌiakëxa: —Egipto menu bëbaxun kamina ꞌën mi, ꞌanun kakë ñukama ꞌapu faraónën ismainun an iskëma ñu min tsati anun ꞌën mi kakësabiokin ꞌati aín. ꞌËn kana ꞌapu faraónëan min kakëxunbi kuaisamatankin aín sinan iruarakin Israel unibu kuantanun xuxunma ꞌanun ꞌimiti ꞌain.

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Éxodo 9:12

Usa ꞌaínbi ka Nukën ꞌIbun ꞌimikëxun aín nuitu iruarakin faraónën Moisés ꞌimainun Aarónën kakëxun kuaisama tankëxa, Nukën ꞌIbun Moisés kakësabiokin.

Hechos 13:17

Nucën Papa Dios, Israel unibunën Dios, an ca nucën raracama ainan ꞌinun caísacëxa. Caístancëxuan an ꞌimicëx ca Egipto menu pain tsoti anuax uácëxa. Uatia ca Nucën Papa Diosan aín cushínbi atu Egiptonua bëacëxa.

Deuteronomio 26:8

iskian ax kushiira ꞌixun chaiira ñu ꞌakëbëa Egiptonu ꞌikë unikama ami rakuëkëbëtan ka nukama anua chikíankëxa,

Deuteronomio 32:27

ꞌaínbi kana atumi nishkë unikamaxa ꞌëmi kuai kiti ꞌikë kixun sinánkin ꞌakëma ꞌain; ꞌakinma kana atúxa ꞌëmi kuai kánani: Nukën ꞌIbun ka atu ësokin ꞌakëma ꞌikën; nun kushínbi kananuna ësokin ꞌa kiax kiti ꞌikën.

Jueces 4:7

ꞌËn kana Sísara ꞌapu Jabín ain suntárunën kushi axa, Quisón kakë xëxá anuax mitsubë ꞌakanankin atun caballonën nikinkë anuax ꞌakánanti a ꞌimainun ain suntárukamabi bëi unun ꞌimiti ꞌain. ꞌAínbi kana ꞌën mitsunmi kupitanuma ꞌanun ꞌamiti ꞌain, ka Dios kiaxa.