Éxodo 14:21 - Kashibo-Kakataibo Biblia

²¹ Usa ꞌain ka Moisésnën aín tatsi bikin Nukën ꞌIbun kakësabiokin parúmpapami okin sanankëxa, usokëbëtainshia Diosan ꞌimikëx ka amiaxa bari urukë amiax a imë́ suñu kushi bëquinëakëxa. Usai ꞌikëbë ka parúmpapa nëbëtsi baka ënanani amo rabë́ chaiira ꞌinun panárabë́akëxa. Usakin Nukën ꞌIbun ꞌimikëbë ka me ëski rakakëxa,

Éxodo 14:21 Iomraidhean Croise

Génesis 8:1

Usa ꞌain ka Nukën ꞌIbu Dios Noemí sinánkëxa sinanan ka kamabi ñuina abëa nunti chaiira anu ꞌikë amiribi sinánkëxa. Sinánkin ka Diosan menu suñu bëkinun ꞌimikëbë ka baka aín ꞌëkë sënëni kuëtsëkëni munu kuabuakëxa;

2 Reyes 2:8

Usai anu bëbaxun ka Elíasnën aín tari bikin tarankin anun baka rishkiakëxa, rishkikëxa baka panárabëti ë́ski me rakakëbë ka anun a rabëtax ꞌukëmanan sikákëxa.

Nehemías 9:11

ꞌImainun kamina atun ismainunbi parúmpapa panarabëtanun ꞌimiakën, usakin ꞌimikëbëa me rakati ëskikëbë ka a nëbë́tsinën atux sikarakëakëxa ꞌaínbi kamina axa atu nuibëtsini ukë unikama bakan këñunun ꞌimiakën, ꞌimikëx ka maxáx ꞌikësaishi nanëti bakami kikankëxa.

Job 38:24

¿Min kaina uimiu kikiani kara kaná mëriti ichukë ax kuania kixun ꞌunanin? ¿Uisai ꞌikiani kara amiaxa bari urukëmiaxa bëkikë suñu ax mekama oi bëkin?

Salmos 148:8

¡ꞌAmainun ka kaná mëríkë, matsi bëruñu, ꞌimainun matsi uxu kuainkë ꞌianan kuénkuru akamanribi ꞌati ꞌikën! ¡ꞌAmainun ka suñúan bënamë kuatsinkë anribi, ax kikësabiokin a rabiti ꞌikën!

Salmos 66:6

an ka parúmpapa me ishi rakati ëskinun ꞌimiakëxa, usakin ꞌimikëbë ka anun nun chaiti okëkama nikiani sikarakëkankëxa; ¡usa ꞌain kananuna akama sinani Dios rabi kuëënkanti ꞌain!

Éxodo 14:16

Min kamina min tsati bikin parúmpapa paná rabëtanun amiokin sananti ꞌain, anúan israel unibu kuantanua me rakati ëskitanun.

Éxodo 14:20

Usakian nëbëtsi rabë́ okin kuinan pë́kakëx ka israel unikamax xabánu ꞌiakëxa, ꞌimainun ka egipcio suntárukama ax imë́nu ꞌixun iskasmakin a imë́ israel unikama nukunun nukumiama ꞌikën.

Éxodo 15:8

Suñumi kushiira bëkimikëbë ka parúmpapa panárabëti amo rabë́ chairuaxa; chairui ka baka ain nëbë́tsin bëchunkë shaíkima anubi ꞌiaxa.

Éxodo 7:19

Usakin kanan ka ësokinribi Nukën ꞌIbun Moisés kakëxa: —Aarón kamina aín tuinkë tsati bikian manámi okin anun sananbëkinkin kamabi Egipto menua ꞌikë baka, xëxá ꞌimainun ꞌian uinu kara ꞌumpax ꞌikë axbia xëatisama imi ꞌitánun ꞌanun kati ꞌain. ¡Usakian ꞌakëbëshi ka anu ꞌumpax nanti i ꞌanan maxá ꞌakë akamanu nankë ꞌumpax kamáxbi imi ꞌiti ꞌikën!

Isaías 43:16

Nukën ꞌIbun ka parúmpapa anúan ain unikama kuanti panarabënun ꞌimiakëxa, usokin ꞌakin ka anua ꞌumpax kushiira nëminra ꞌikë axa me rakati bai ꞌi ëskinun ꞌimiakëxa,

Isaías 44:27

ꞌËn kana parúmpapa kamina ëskiti ꞌai kanan aín bakakama ꞌumpax ñuma ꞌinun ëskinun kati ꞌain.

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Isaías 63:12

¿Uinu kara aín kushin Moisés ꞌakian ax ꞌik? ¿Uinu kara aín unikaman ismainun parúmpapa panarabënun uinsaranbi nëtë́tima okin ꞌimia ax ꞌit?

Isaías 63:13

¿Uinu kara parúmpapa panárabëti me ëskikë anun inuti raíshkima, caballokama anu uni ꞌikëma me kuankë usaribi kiani kuanun ꞌimianan,

Habacuc 3:8

¿Mix karamina Dios ꞌaish bakakamami nishin? ¿Mix ꞌitsaira nishkin karamina parúmpapakama ꞌatima oti ꞌain? ¿Usa ꞌaish karamina min caballonën nikinkë anu ꞌirukiani bëtsi unikama ꞌikësa kiani kuanti ꞌain?

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Josué 2:10

Nun kananuna ꞌunanin mitsux Egipto menuax chikíküatsini ukëbëtan ka Diosan anun sikarakënun parúmpapa xónsa kakë a aín nëbë́tsi ëski panárabënun ꞌimiakëxa. ꞌImainun kananuna ꞌunanin mitsun kamina Sihón ꞌimainun Og, amorreo kakë unibunën ꞌapu rabë́ axa Jordán kakë baka ꞌukëmanan bukukë a aín unikama këñunbi maërakatanun këñuakën.

Josué 3:17

Usakian Jordán kakë baka ëskinun ꞌimikëbë Israel unibu sikarakëmainun ka sacerdote unikama anua a tanti Diosan bana ꞌikë bunántisa okin ꞌakë, kurin ratakakakë buánkë unikama ax Jordán kakë baka ë́skia me rakákë a nëbëtsi kamabi uníxa sikarakëmainun nirakëakëxa.

Josué 4:23

ꞌimainun kamina ësokinribi ñuixunti ꞌain uisakin kara Diosan Jordán kakë baka meishi rakátanun anun nux inúnun ëskimiakëxa kixun, bëráma parúmpapa xónsa kakë anun nun chaitiokëkama sikarakënun ꞌimiasaribi okin.