Éxodo 14:16 - Kashibo-Kakataibo Biblia

¹⁶ Min kamina min tsati bikin parúmpapa paná rabëtanun amiokin sananti ꞌain, anúan israel unibu kuantanua me rakati ëskitanun.

Éxodo 14:16 Iomraidhean Croise

2 Reyes 4:29

Usakin kakëxun ka Eliseonën Guehazí kakëxa: —Mëníokakiani kamina ꞌën tatsi bibiani xanu ënën xubunu kuanti ꞌain. ꞌAínbi kamina kuankin unibë mëranankin uisakinbi katima ꞌain, ꞌimainun kamina uin kara uisa karamina ꞌai mi kaia a unibi uisokinbi katima ꞌain. Kaima kuantankëxun kamina tuá aín bëmánanu ꞌën tsati nanti ꞌain.

Éxodo 14:15

Usa ꞌain ka Nukën ꞌIbun Moisés kakëxa: —¿Uisoti kaina min ꞌë ꞌakinun kixun kain? Israel unikama kamina rakuë́tima abi kuanun kati ꞌain.

Éxodo 14:26

ꞌAínbi ka Nukën ꞌIbun Moisés kakëxa: —Parúmpapami oi ka mëshpat, amiribishi timë́ti biranankian ꞌumpaxan egipcio suntárukama atun caballonën nikinkë ꞌimainun axa caballonuax ꞌakanankë akama këñunbi mapui baka rakarakëtëkëntanun.

Éxodo 17:5

Kakëxun ka Nukën ꞌIbun Moisés kakëxa: —Israel unikaman kushi ꞌitsamashi kabiani kamina abë mix pain rëkuë́nkiani kuati ꞌain. Kuani kamina min tsati anúnmi ꞌumpax bëráma rishkikë a buani kuanti ꞌain.

Éxodo 17:6

ꞌËn kana Horeb kakë bashi anuxun mi kaini kuanti ꞌain, usa ꞌain kamina anu bëbakin min tsatin mapara taxkai kuanti ꞌain. Taxkakëbëshi ka anuax ꞌumpax chikiti shakibutia ka unikaman xëati ꞌikën. Usakian kakëx kuanxun ka Moisésnën abëa kuankë Israel ain kushikaman ismainunbi aín tsatin mapara taxkakëxa,

Éxodo 4:17

Usa ꞌain kamina min tsati bibiani kuantankëxun anunbi ꞌën mi ꞌanun kakë usakinbi, atun uínsaranbi isama ñukama a isia rakuë́ë kantanun ꞌati ꞌain.

Éxodo 4:2

—¿Añu kara min mëkënumi tuinkë ax ꞌik? —kixun ka Nukën ꞌIbun ñukákëxa. —Ënëx ka achúshi tsati ꞌikë —kixun ka Moisésnën kakëxa.

Éxodo 4:20

Usakian kakëxun ka Moisés aín xanu ꞌimainun aín bëchikëkama burronu ꞌarubiani Egipto menu kuankëxa. Kuani ka aín tsati anúan Diosan ꞌamikëxun bëtsi ñu ꞌakë a buani kuankëxa.

Éxodo 7:19

Usakin kanan ka ësokinribi Nukën ꞌIbun Moisés kakëxa: —Aarón kamina aín tuinkë tsati bikian manámi okin anun sananbëkinkin kamabi Egipto menua ꞌikë baka, xëxá ꞌimainun ꞌian uinu kara ꞌumpax ꞌikë axbia xëatisama imi ꞌitánun ꞌanun kati ꞌain. ¡Usakian ꞌakëbëshi ka anu ꞌumpax nanti i ꞌanan maxá ꞌakë akamanu nankë ꞌumpax kamáxbi imi ꞌiti ꞌikën!

Éxodo 7:9

—Faraónëan, unin ꞌakëma ñu achúshi ꞌanun kakëxun kamina Aarón aín tsati bikian faraónën ismainun menu ninun kati ꞌain, kakëxuan menu nikëx ka achúshi runu ꞌiti ꞌikën.

Habacuc 3:8

¿Mix karamina Dios ꞌaish bakakamami nishin? ¿Mix ꞌitsaira nishkin karamina parúmpapakama ꞌatima oti ꞌain? ¿Usa ꞌaish karamina min caballonën nikinkë anu ꞌirukiani bëtsi unikama ꞌikësa kiani kuanti ꞌain?

Números 20:11

Ësokin kakinshia Moisésnën aín tsati manámi okin rabë́okin mapara taxkakëxa, taxkakëbëshi ka mapara mëuküax chaiira ꞌinun tanpëkuatsini ꞌumpax chikíakëxa. Usai ꞌia ka unikaman atun ñuina kamabëtan ꞌumpax xëakëxa.