Éxodo 14:12 - Kashibo-Kakataibo Biblia

¹² Ësai ꞌiti ꞌunánxun kananuna Egipto menuxun mi kan: Ënuxunbi egipcio unibu ñu mëëxunun kamina nu ënti ꞌain. ¡Usa ꞌain kananuna tëmërakinbi atu ñu mëëxuni anu uni ꞌikëma menuax bamai utima ꞌian!

Éxodo 14:12 Iomraidhean Croise

Éxodo 13:17

Kuantanun ꞌapu faraónën xutia ka Israelkama, Diosan anun filisteokaman menu kuanti bai puntë ꞌanun uánma ꞌikën, a baixa puntë ꞌaish ꞌurama ꞌaínbi ka Israel unikama kuaníbi filisteo unikaman ꞌakëx rakuë́ti ꞌakananima Egipto menu kuantënkënti sinánkin.

Éxodo 3:9

Ka kuat, ꞌënbi kana egipcio unibunëan ꞌaisamaira okin tëmëramikin Israel unikama ꞌatima oia isan.

Éxodo 5:21

mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.

Éxodo 6:9

Ësokian kakëxun ka Moisésnën usakian Diosan kakë banakama israel unikama ñuixuankëxa, ñuixunkëxunbi ka ꞌaisamaira ñu mëi atsanxun aín bana kuaisama tankankëxa.

Oseas 4:17

Usa ꞌain ka Israelkama axribi unínbia ꞌakë ñukama rabitinu atsínxun rabia. ¡Usa ꞌain ka kamabi uni axa bëtsi ꞌatima onux timë́ax bëtsibë paë́nkë unikama usaribiti ꞌia! Usai ꞌi amiribi amiribi ñunshinakëkin xanun nami ꞌai ka anun rabinima upiti tsótisa ꞌashi ꞌatimati tsótishi kuëënia.

Jonás 4:3

Usa ꞌain kana ꞌëmi bamanun ꞌiminun mi ñukatin ꞌËn ꞌIbu Dios. Usa ꞌain kana ꞌuran tsókë ꞌimainun bamakë ꞌiti ꞌain.

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.